Нийслэлийн хамгийн их хүн амтай дүүргүүдийн нэг СХД-ийг хоёр хуваах саналыг хотын удирдлагууд гаргасан билээ. Албан ёсны судалгаагаар бол энэ дүүрэг 270 мянган хүн амтай. Нэг хороо нь л гэхэд 10 мянган хүнтэй болохоор нийгмийн үйлчилгээ иргэн бүрт шуурхай хүрэх боломжгүй гэсэн зовлонг Засаг дарга нь ярьж байгаа юм. Тиймээс тус дүүргийг хоёр хувааж, статусыг тусад нь болгохоор иргэдийн саналыг хурааж эхэлжээ.

  МУ-ын үндсэн хууль болон засаг захиргаа нутаг дэвсгэрийн тухай хуулинд зааснаар яг энэ асуудлыг УИХ эцэслэн шийдвэрлэдэг байна. Тиймээс иргэдийн санал хэрхэн гарна түүн дээр үндэслэж шийдвэрээ гаргаж аж. Тус дүүргийн иргэд өдрөөс өдөрт нэмэгдэж байгаа аж. Гэтэл иргэдэд үйлчилгээ үзүүлж байгаа дүүргийн төрийн захиргааны анхан шатны болон дүүргийн бүх аппарат нь бусад дүүрэгтэй адил. Энэ нь өнөөдөр СХД-ийн хувьд төрийн хүнд суртал их болсны гол шалтгаан болсон байна. СХД нийт 32 хороотой. Нэг хороонд төвлөрөн оршин сууж байгаа иргэдийн тоо 10 мянга хол давсан гээд тоочих зовлон олон байгаа аж. Энэ мэтээс асуудлуудаас болж тус дүүргийг хоёр хувааха нь хамгийн зөв шийдвэр гэж үзэх хүмүүс байна.