Хүний хөгжил сангаас 500 мянган төгрөгөө авч амжаагүй иргэдийг ирэх оноос өмнө олгож дуусна гэж Засгийн газраас мэдээлсэн. Гэвч энэ 500 мянган төгрөгийг ямар хүмүүс авах вэ гэдэгт иргэд эргэлзэж байгаа юм. Харин энэ талаар албаны хүнээс тодруулахад "Эх орны хишиг" буюу 21 мянган төгрөгөө авч амжаагүй хүмүүст энэ мөнгө хамаатай аж. Энэ оны төсвийн мөнгө дуусч байгаатай холбогдуулан 21 мянган төгрөгөө аваагүй иргэдэд нөхөж өгч байгаа нь энэ юм. Тодруулбал гадаадад амьдарч байсан, хорих ял эдэлж байсан хүмүүст илүү хамааралтай юм. Харин 2012 онд төрсөн хүүхдүүдэд "Эх орны хишиг" гэж 128 мянган төгрөг олгохоор болжээ.

  Харин иргэн бүрд олгохоор амласан үлдэгдэл 1 сая төгрөгийг хэзээ олгох нь тодорхойгүй хэвээр байгаа билээ.