Монгол улсын төсвийн нийт зардал 2000 онд 430 тэрбум байсан бол 2013 онд 7,4 их наяд төгрөг болтлоо өссөн байдаг. Ийнхүү “суга өсөхөд” олон хүчин зүйл нөлөөлсний нэгт УИХ-ын гишүүн бүрт тойрогтоо ажиллахад нь зориулж өгдөг байсан тэрбум төгрөг ч багтдаг.

Ирэх оны төсвийг хэлэлцэхэд Ерөнхий сайдын өгсөн мэдээллээр 2008 оноос өнөөдрийг хүртэл төсөвт суусан зардал 11 дахин өссөн байна. Үүний дотор УИХ-ын гишүүд яам тамгын газар агентлагийн дарга нарын гадаад томилолтын зардал 8,5 дахин, эд хогшил худалдан авах  тав  дахин, гадаадын зочид, сургалт семинар зэрэгт зарцуулах зардал ч  нэмэгдсэн байдаг аж.