Галт тэрэгний хөдөлгөөн зохицуулалтын нэгдсэн төв, Авлигатай тэмцэх газар хамтран тус төвийн нийт албан хаагчдад өчигдөр “Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай” хуулийн таниулах сургалтыг зохион байгууллаа.
   Сургалтыг Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ахлах мэргэжилтэн, ахлах комиссар Д.Мөнхжаргал удирдан явуулсан бөгөөд төвийн албан хаагчдад дээрх хуулийн талаар дэлгэрэнгүй мэдээлэл өгч ойлголтын зөрүүтэй зарим зүйлд хариулт өгсөн юм.
   Галт тэрэгний хөдөлгөөн зохицуулалтын нэгдсэн төв нь Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль, Хууль зүйн салбарын нээлттэй бодлогын хүрээнд үйл ажиллагаагаа иргэдэд нээлттэй байлгах, дотоод хяналтыг сайжруулах зорилготой ажиллаж байна.