МҮХАҮТ-аас нийгэм, эдийн засгийн хөгжилд бодитой хувь нэмрээ оруулж буй шилдэг аж ахуйн нэгж, байгууллагууд, бизнес эрхлэгчдийг шалгаруулан өргөмжилдөг “ENTREPRENEUR” шагнал гардуулах ёслолын ажиллагаа, Бизнес эрхлэгчдийн шинэ жилийн баярын цэнгүүн ирэх сарын 28-нд МҮХАҮТанхимын үзэсгэлэнгийн их танхимд болох гэж байна.

17 дахь жилдээ зохион байгуулагдаж буй уг ёслолын ажиллагаа нь бизнес эрхлэгчдийнхээ тухайн оны ажлын ололт амжилтыг дүгнэн дэмжин урамшуулах, олон нийтийн хүртээл болгон сурталчлах зорилготой бөгөөд тухайн оны Онцлох 10 аж ахуйн нэгж, Онцлох бизнес эрхлэгчдийг Танхимын Тэргүүлэгчдийн хурлын шийдвэрээр тодорхой шалгуур үзүүлэлтүүдийн дагуу шалгаруулдаг аж.

Шалгаруулалтанд оролцох бизнес эрхлэгчдийн мэдээллийг өнөөдрөөс авч эхэлсэн байна.

“Entrepreneur-2013” арга хэмжээний номинациуд

А. 2013 оны “Онцлох 10 аж ахуй нэгж”

Б. 2013 оны онцлох Entrepreneur /бизнес эрхлэгч/

    -Хөрөнгө оруулагч

    -Дотоодын жижиг дунд үйлдвэрлэл эрхлэгчид, ханган нийлүүлэгчдийг дэмжигч

    -Үндэсний үйлдвэрлэгч

    -Импортыг орлох бүтээгдэхүүн үйлдвэрлэгч

    -Экспортлогч

    -Импортлогч

    -Инноваци, дэвшилтэт технологи, know-how нэвтрүүлэгч

    -Компаний сайн засаглалыг хэрэгжүүлэгч

    -Компаний нийгмийн хариуцлагыг хэрэгжүүлэгч

    -Жижиг бизнес эрхлэгч

    Тухайн салбарын оны онцлох Энтрепренер (уул уурхай, газар тариалан, гар урлалын бүтээгдэхүүн үйлдвэрлэгч, зам, барилгын салбар, хүнс, бөөний худалдаа, худалдаа, үйлчилгээ, банк, банк бус санхүүгийн байгууллага, даатгал, үнэт цаас, хэвлэл, ноос, ноолуур, эм, эмнэлэг гэх мэт)

В. Greenpreneur-2013

    Байгальд ээлтэй ногоон технологи нэвтрүүлэгч

    Сэргээгдэх эрчим хүч үйлдвэрлэгч

    Усны хэмнэлттэй дэвшилтэт технологи нэвтрүүлэгч

    Органик бүтээгдэхүүн үйлдвэрлэгч

    Цэвэр үйлдвэрлэлийн менежмент нэвтрүүлэгч

    Байгальд хөрөнгө оруулагч