МҮОНРТ-ийн Үндэсний зөвлөл хуралдаж МҮОНТ-ийн захирал Ч.Даваабаяртай холбоотой уран бүтээлчдийн ирүүлсэн гомдлыг хэлэлцсэн юм.  
МҮОНТ-ийн 150 гаруй уран бүтээлч захирал Ч.Даваабаярыгаа огцрохыг шаардан энэ сарын 18-нд Үндэсний зөвлөлдөө бичиг хүргүүлсэн.  Энэхүү өргөх бичигтээ тэд ажлын тав хоногийн дотор хариу өгөхийг шаардсан учраас өчигдөр Үндэсний зөвлөл хуралдсан юм. Харин хурлаар зөвлөлийнхөн МҮОНРТ-ийн Ерөнхий захирал М.Наранбаатарыг энэ асуудлыг шийдвэрлэж өгөхийг үүрэгджээ.  Эх сурвалжийн мэдээлж буйгаар М.Наранбаатар Ч.Даваабаярыг халж магадгүй байдалтай байгаа гэв.