Хүйтний улирал эхэлсэн энэ үед автомашины осол аваар ихээр гардаг. Тэгвэл үүнтэй зэрэгцээд ГССҮТ ч ачаалал ихтэй болдог. Тиймээс холбогдох албаны хүнээс өдөрт хэчнээн өвчтөн үйлчлүүлж байгаа талаар асууж тодрууллаа. Тэрбээр "Өнөөдөр л гэхэд хоёр бригад алсын дуудлагад явлаа. Орон нутагт ихээр осол гэмтэл гарч байна. Ганц өдөрт л манай хүлээн авах, яаралтай түрэн тусламжийн тасагт 250-300 хүн ирж анхны тусламж авч байна" гэв. Улмаар хүмүүс хөл гараа хөлдөөх, осол аваарт орохдоо хамгийн түрүүнд хандах газар бол ГССҮТ байдаг. Тиймээс ч энд ачаалал буурдаггүй гэдгийг ажилчид нь хэлж байв. Мөн дүүргүүдэд байрлах яаралтай түргэн тусламжийг олон иргэдэд хүртээлтэй ажиллахаар болгож, адаглаад бага зэргийн гэмтэлтэй иргэд нь тэдгээр эмнэлгүүдээрээ үйлчлүүлдэг бол бидний ачаалал тодорхой хэмжээгээр багасна гэдгийг ч ГССҮТ-ийн ажилчид хэлж байсан юм.