Нийслэлийн хэмжээнд 300 орчим оюутан хүлээж авах чадалтай оюутны 43 дотуур байр  бий. Тэгвэл өнөөдөр "1000 оюутны байр" -ны барилгын ажил бүрэн дуусч, улсын комисс хүлээж аван ашиглалтад ороход бэлэн болсон байна. Өнөөдрийн байдлаар тасаг доторхи тавилга угсралт, тохижилтын ажил явагдаж байна. Тэд мөн зарим өрөөнүүддээ оюутнуудыг авч эхэлсэн байна. Өнгөрсөн есдүгээр сард ашиглалтад орох байсан ч хугацаа нь хойшлогдож оюутнуудыг удаан  хүлээлгэсэн тус байрны төлбөр ч мөн хямдарсан байгаа. Өмнө нь нэг оюутан жилд 500 гаруй мянган төгрөг төлөхөөр тооцоолж байсан ч хичээлийн жилийн хагас нь өнгөрсөн тул нэг оюутан сард 55 мянган төгрөг төлөхөөр өөрчилжээ. Ингэвэл оюутнууд энэ жил 300 мянган төгрөгөөр байранд суух юм.