Гадаадын иргэн, харьяатын асуудал эрхлэх газраас Өмнөговь аймагт шалгалт хийжээ. Шалгалтын дүнд зөрчилтэй гадаадын 40 иргэнийг албадан гаргажээ. Шалгалтаар виз, бүртгэл, оршин суух зөвшөөрөл, Хөдөлмөр эрхлэх журам зөрчсөн 11 аж ахуйн нэгж, байгууллага, 145 гадаадын иргэн байгааг илрүүлж, Гадаадын иргэний эрх зүйн байдлын тухай хуулийн дагуу захиргааны арга хэмжээ авсанаас 40 иргэнийг албадан гаргасан байна. Мөн нийт 347 иргэнд визийн шилжүүлэг хийж, 82 иргэнд орох виз, таван иргэнд гарах, орох визийг олгожээ.