Зам засварын ажил дууссан мөн хүйтний улирал эхэлж байгаатай холбогдуулан дугаарын хязгаарлалтыг зогсоох тухай санал асуулгыг өчигдөр хоёр дахь удаагаа нийслэлийн иргэдийн дунд явуулсан билээ. Тэгвэл өчигдрийн санал асуулгад нийслэлийн зургаан дүүргийн 20-60 насны санамсаргүйгээр сонгогдсон 50 орчим мянга гаруй хүн мессеж, утсаар саналаа өгсөн байна. Үүнээс нийслэлийн лавлагаа мэдээллийн төвийн 1200 утсанд  нийт 1821 хүн хандсанаас 54.4% нь дугаарын хязгаарлалтыг дэмжсэн байна. Харин мессежээр нийт 46967 хүн санал өгснөөс 70.7% нь дэмжжээ. Ингээд нийт санал асуулгад оролцсон хүмүүсийн дийлэнхи нь буюу 70.1% нь дугаарын хязгаарлалтыг цааш үргэлжлүүлэх нь зөв гэсэн саналыг  өгчээ. Тиймээс дугаарын хязгаарлалт цааш үргэлжлэхээр боллоо.