Хууль зүйн салбарын эрх зүйн шинэчлэлийн бодлого, түүний хэрэгжилтийн хүрээнд Тахарын албаны тухай болон Гэрч хохирогчийг хамгаалах тухай, Цагдаагийн албаны тухай Монгол улсын хуулиуд шинээр батлагдсантай холбогдуулан тухайн салбаруудад шинээр батлагдсан болон шинэчлэн найруулсан хуулиудыг хэрэгжүүлэх томоохон ажлууд хууль сахиулах байгууллагуудын хүрээнд өргөн цар хүрээтэйгээр явагдаж байна.

Түүн дотроо шинэчлэн найруулсан Цагдаагийн албаны тухай хууль батлагдсанаар цагдаагийн байгууллагын хувьд нийгмийн харилцаа, үйл ажиллагааны хувьд өөрчлөлт орж иргэдэд үйлчилгээгээ хүргэх, иргэдийн хяналт, дэмжлэг туслалцаатайгаар ажил үйлчилгээ явуулах шинэ орчин хүлээж байна.

Дээрхи өөрчлөлт шинэчлэлттэй холбогдуулан цагдаагийн байгууллагын тогтолцоо, бүтэц чиг үүрэг, цагдаагийн алба хаагчийн эрх зүйн байдал, түүнийг хангах баталгаа, Иргэний зөвлөл түүний хяналт, олон нийтийн цагдаагийн ажилтан зэрэг хуулийг хэрэгжүүлэхэд цагдаагийн байгууллага, алба хаагчаас анхаарах асуудал зэрэг сэдвийн хүрээнд цагдаагийн байгууллагын нийт бие бүрэлдэхүүнд нэг мөр ойлголт өгөх зорилгоор шинээр болон шинэчлэгдэн найруулж батлагдсан хууль тогтоомжийг хэрэгжүүлэх, эрх зүйн салбарын шинэчлэлийн бодлоготой уялдуулан Америк, Англи болон Европын улс орнуудын хууль сахиулах байгууллагуудын туршлага мэдээлэл солилцох, шинэ үйл ажиллагаануудыг хэвшүүлж хэрэгжүүлэхад анхаарах, сурч мэдэх олон зүйлүүд байгааг тэд онцолж байна. Энэхүү ажлын хүрээнд 2013 оны 12 дугаар сарын 02-09-ны өдрийн хооронд Их Британи, Умард Ирландын Вант улсын Үндэсний Цагдаагийн Газраас сургагч багш ирж цагдаа олон нийтийн хамтын ажиллагаа, иргэний хяналт, мэдээлэл судалгаа, бүтэц, тогтолцоо, хүний нөөцийн менежментийн чиглэлээр 7 хоногийн сургалтыг цагдаагийн төв байгууллага, нийслэлийн цагдаагийн хүрээний байгууллагуудын 70 орчим удирдах ажилтанд зохион байгуулахаар төлөвлөж байна. Сургалт явагдсанаар цагдаагийн байгууллагын үйл ажиллагааны цаашдын чиг хандлага, үйл ажиллагаанд тодорхой ач холбогдолтой болно.

Тус сургалт өнөөдрөөс эхэлж байна.