Өнгөрсөн сарын 19-ны 08.20 цагт МИАТ-ийн Улаанбаатар-Сөүлийн чиглэлд нислэг үйлдэхээр хөөрсөн “Бойнг-767” онгоц тосны банкны тагаа таглахаа мартсан гэх шалтгаанаар эргэж буусан талаарх мэдээлэл шуугиан тариад байсан. Тодруулбал, агаарт хөөрсөний дараа онгоцны баруун хөдөлгүүрийн тосны даралт унасан гэнэ. Тус нислэг ОМ-301 аялалын дугаартай байсныг эх сурвалж хэлж байна.  Хэрвээ энэ байдлаар онгоц агаарт жаахан удсан бол тос, масло нь тасалдаж, онгоцны мотор цохиж, агаарт унтрах аюултай байдаг байна. Ямартаа Иргэний нисэхийн ерөнхий газраас уг хэрэгт хариуцлага тооцож алдаа гаргасан хоёр инженерийн онгоц засварлах эрхийг хязгаарласан байна.