Өнөөдөр болох зарим үйл явдлыг танилцуулж байна.Өнөөдөр 10:00 цагаас Төр, засгийн үйлчилгээг эрхлэх газрын "Нийтлэг үйлчилгээний чанар-шинэчлэл" нээлттэй өдөрлөг Төрийн ордны Их танхимын хойд фоеэ-д эхэлнэ. Нээлтэд Ерөнхий сайд Н.Алтанхуяг оролцоно.
Төрийн үйлчилгээний арын албанд зүтгэдэг хамгийн ажилсан хүмүүс өнгөрсөн нэг жилийн хугацаанд хийсэн шинэчлэлээ тайлагнана.
АН-ын сэтгүүлчидтэй уулзах цаг 4/11 уулзалт 11:00 цагт ТЭЦ 2 станцын байранд болно. Намын байрнаас 10:30 цагт унаа хөдөлнө.
Гэр хороололд гал түймэр гарч байгаатай холбогдуулан Баянгол дүүргийн онцгой байдлын ерөнхий газар шалгалтаар явна. Шалгалтаар тус дүүргийн 9-12 дугаар хорооны айл, өрхүүдээр явах юм.
Монголын Урлагийн Зөвлөл болон Америкийн Монголчуудын Соёлын Холбооны хамтран “Ирээдүйн Авьяастан” тэтгэлгийг Хөгжим Бүжгийн Коллеж, МУ-ын Соёл Урлагийн Их Сургуулийн оюутнуудад гардуулах гэж байна.
Тэтгэлэг гардуулах үйл ажиллагааг МУЗ-ийн “Улаан гэр” галерейд 14:00 цагт зохион байгуулна.
МН мэдээллийн төвд 11.00 цагт МоАХ-ны анхдагч ахмад зүтгэлтний холбооноос “Төр засаг ардчилсан хувьсгалын ахмад зүтгэлтнүүдээ мартсан уу” сэдвээр хэвлэлийн бага хурал зарлалаа.
12.00 цагт “Нийгмийн ардчилал” Монголын залуучуудын холбооноос Монгол Улсад тулгамдаж буй 76 асуудлыг нэрлэж мэдээлэл хийнэ.
