Аливаа зүйл сайнтай, муутай байдаг. Гагцхүү ололттой гэсэн зүйлээ цааш нь хөгжүүлж, дутагдалтай талаа "дарж" өөрчлөх ёстой. Их дээд сургуулиудын төлбөр өндөр, чанаргүй сургалттай, сургалтын хөтөлбөр, суралцах орчин муу гэх үгнүүдийг урсгаагүй хүн гэж ховор биз ээ. Тэгвэл өнөөдөр уншигч та бүхэндээ их, дээд сургуулиудын талаар сөрөг бус эерэг мэдээллийг хүргэхээр бэлдлээ. Учир нь бид шүүмжлэлийг хэлж чаддаг шиг ээ сайшаалыг ч онцолдог байх хэрэгтэй юм.
Яг л бидний хэлдэгээр бас мэддэгээр МУБИС-д шинээр элсэж буй оюутнууды ерөнхий шалгалтын оноо хангалтгүй, цаашлаад тус сургуулийг төгсөн гарч буй залуу багш нарын мэдлэг болон харилцаа доголдолтой гэх шүүмжлэлийг авсан сургууль.
Гэвч тэд алдаагаа бага багаар засах гэж байгаа талаар суралцагчид нь хэлж байна.  Учир нь тус сургууль энэ жилээс эхлэн хүүхдүүдийн авсан элсэлтийн шалгалтын оноог сургалтын хөтөлбөртэй уялдуулж, өөрчлөлт хийж байгаа аж. Ингэхдээ эхний ээлжинд тус ссургуульд 650 ба түүнээс дээш оноотой элсэн суралцаж байгаа оюутнуудын сургалтын төлбөрт 70-100 хувийн хөнгөлөлт үзүүлж байна.

Энэхүү журмыг зүгээр ч нэг гаргаагүй Засгийн газрын 181 дүгээр тогтоолын дагуу гаргасан гэнэ. Уг журамд хамрагдсан оюутнуудын тухайд хэрвээ 650-700 оноотой бол сургалтын төлбөрийн 70 хувь, 750 ба түүнээс дээш оноотой бол сургалтын төлбөрийн 100 хувийн хөнгөлөлтөд хамрагдаж байгаа юм.

Улмаар МУБИС-д өнгөрсөн оны байдлаар 650-иас дээш оноотой 419 хүүхэд элсэн орж байсан бол энэ хөтөлбөрийг хэрэгжүүлснээр  энэ хичээлийн жилд ийнхүү өндөр оноотой элсэн суралцах оюутны тоо 982 буюу хоёр дахин өсчээ.

Ийн манай их, дээд сургуулиудын сургалтын чанараа сайжруулж, оюутнуудын идэвхийг сайжруулахын тулд олон чухал ажлыг зохион байгуулах хэрэгтэй юм.

Юутай амралтын өдрийн энэ гэгээлэг мэдээллийг та бүхэнд хүргэсний гол учир нь ямарваа нэг сургуулийг онцлон магтах гэсэндээ бус гагцхүү дэвшилттэй талыг нь дэлгэхийг хүслээ. Монголын маань олон арван их, дээд сургуулиуд ч сургалтын хөтөлбөрийнхөө зөрчил дутагдлыг олж харж, дэвшилттэй зүйл ихийг хийх болтугай.