Чансаа өндөр их насны есөн морьдыг нэрлэж байна.

1. “Их хурд-6” уралдааны аман хүзүү, Үндэсний их баяр наадам, Ардын хувьсгалын 92 жилийн ойн баяр наадамд айргийн гуравт, “Дүнжингарав-2013” хаврын уралдааны түрүү, Орхон аймагт зохиогдсон “Эрдэнэт хурд-2013’’ бүсийн уралдааны түрүү, “Монгол морь дэлхийн дээд амжилт” Гиннесийн уралдаанд айргийн тавд хурдалсан Ховд аймгийн Чандмань сумын уугуул аймгийн алдарт уяач Батчулууны Ерөөлтийн хүрэн халзан морь 34 оноогоор чансааг тэргүүллээ.

2.  “Их хурд-6” уралдаанд айргийн гурав, Үндэсний их баяр наадам, Ардын хувьсгалын 92 жилийн ойн баяр наадамд айргийн гуравт, “Монгол морь дэлхийн дээд амжилт” Гиннесийн уралдааны түрүүлсэн Улаанбаатар хотын Баянзүрх дүүргийн Цэндийн Энхтайваны хонгор халзан морь 25 оноогоор удаалсан байна.

3. “Их хурд-6” уралдааны түрүү, Үндэсний их баяр наадам, Ардын хувьсгалын 92 жилийн ойн баяр наадмын түрүү, “Дүнжингарав- 2013” хаврын уралдааны айргийн тав Говь-Алтай аймгийн Шарга сумын уугуул Монгол Улсын тод манлай уяач Хадбаасангийн Бат- Эрдэнийн хүрэн морь 21 оноогоор гуравдугаарт эрэмбэлэгджээ.

4.  “Их хурд-6” уралдааны айргийн дөрөв, Үндэсний их баяр наадам, Ардын хувьсгалын 92 жилийн ойн баяр наадамд айргийн тавд хурдалсан Говь-Алтай аймгийн Бигэр сумын уугуул Бөөрөнхийн Амарбаясгалангийн хүрэн халзан морь 13 оноогоор дөрөвдүгээрт эрэмбэлэгдэж байна.

5.  "Их хурд-6” уралдаанд айргийн тавд хурдалсан Хөвсгөл аймгийн Их-Уул сумын уугуул Цогтын Бат-Энхийн хүрэн морь есөн оноогоор тавдугаарт оржээ.

6. “Монгол морь дэлхийн дээд амжилт” Гиннесийн уралдааны айргийн гуравт хурдалсан Даваасамбуугийн Жаргалсайхан хүрэн буурал морь мөн есөн оноогоор зургадугаарт бичигдлээ.

7. Хангайн бүсийн уралдааны түрүү,”Монгол морь дэлхийн дээд амжилт”- Гиннесийн хангайн бүсэд аман хүзүүнд хурдалсан Архангай аймгийн Эрдэнэмандал сумын уугуул аймгийн алдарт уяач Алаг-Уулын хар морь долоон оноогоор долдугаарт эрэмбэлэгдэж байна.

8. Төвийн бүсийн уралдааны аман хүзүү, “Монгол морь дэлхийн дээд амжилт”- Гиннесийн Улаан-баатарын бүст түрүүлсэн Тев аймгийн Сэргэлэн сумын уугуул Саашкагийн Эрдэнэбатын буурал морь долоон оноогоор наймдугаарт жагсчээ.

9.Баруун бүсийн уралдааны аман хүзүү, “Монгол морь дэлхийн дээд амжилт” Гиннесийн Баруун бүсийн түрүү Завхан аймгийн Яруу сумын уугуул Дашзэвэгийн Дагвадоржийн өсгий цагаан зээрд морь долоо оноогоор тус тус чансааг тэргүүллээ.