“Монгол бадарчин” Амай буюу Д.Золбаяр сүүлийн найман жилд дэлхийн 70 орчим орноор аялсан. Тэрбээр  энэхүү аяллын тэмдэглэлээрээ гурван боть номоо хэвлүүлэн, олны хүртээл болгоод байгаа билээ.

  Тэгвэл энэ удаа "Дэлхийн нэг өдөр" номынхоо нээлтийг өнөөдөр 17.00 цагт Төрийн ордны Иргэний танхимд нээхээр болжээ.

  Тэрбээр аяллынхаа туршид цуглуулсан зургуудаасаа шилж түүвэрлэн, сэдэв сэдвээр нь ангилан “Дэлхийн нэг өдөр” номондоо багтаажээ.

  Д.Золбаяр олон нийтэд уг шинэ номоо хүргэхээсээ өмнө түүний уран бүтээлийг хүндэлдэг, цуглуулдаг, аяллын хамгийн сонирхолтой түүхүүдээс биечлэн сонсох хүсэлтэй байгаа дотны хүмүүстээ зориулаад энэхүү уулзалтыг зохион байгуулахаар, урилга илгээж байгаа аж.