а    БШУЯ-наас манай орны байгаль, цаг уурын онцлог, хот, хөдөөгийн амьдрал, аж ахуйн ялгаатай байдал, хүүхдийн эрүүл мэнд, аюулгүй байдалд учирч болзошгүй эрсдлээс урьдчилан сэргийлэх зорилгоор ЕБС-ийн сурагчдын амралтын эхлэх, үргэлжлэх, дуусах хугацааг өөрчилжээ. Энэ хичээлийн жилд Улаанбаатар хотын сурагчдын амрах хуваарийг танилцуулж байна.

Хичээлийн жилийн II улирлын амралт:

I-V ангийн сурагчид 2013 оны 12 дугаар сарын 21-ний өдрөөс 2014 оны нэгдүгээр сарын 26-ныг дуустал таван долоо хоног,

VI-IX ангийн сурагчид 2014 оны нэгдүгээр сарын 04-нөөс 26-ныг дуустал гурван долоо хоног,

X-XII ангийн сурагчид 2014 оны нэгдүгээр сарын 11-нээс 26-ныг дуустал хоёр долоо хоног тус тус амарна.

Хичээлийн жилийн III улирлын амралт:

Бүх сурагчид 2014 оны гуравдугаар сарын 29-нөөс  дөрөвдүгээр сарын 06-ныг дуустал нэг долоо хоног амарна.

Харин энэ хичээлийн жилд хөдөө, орон нутгийн сурагчдын амрах хуваарийг танилцуулахад, хоёрдугаар улирлын амралтын хувьд:

I-V ангийн сурагчид 2014 оны нэгдүгээр сарын 11-ний өдрөөс хоёрдугаар сарын 09-нийг дуустал дөрвөн долоо хоног бол

VI-IX ангийн сурагчид 2014 оны нэгдүгээр сарын 25-наас хоёрдугаар сарын 09-нийг дуустал хоёр долоо хоног амарна.

Харин X-XII ангийн сурагчид 2014 оны хоёрдугаар сарын 1-нээс 09-нийг дуустал нэг долоо хоног амрах юм.

Хичээлийн жилийн гуравдугаар улирлын амралт:

Бүх сурагчид 2014 оны гуравдугаар сарын 29-нөөс дөрөвдүгээр сарын 13-ныг дуустал хоёр долоо хоног амрахаар тогтжээ.

Сурагчдын амралтын хугацааг хот, хөдөөгөөр ялгаатай тогтоож өгсөн ч хичээлийн жилд бага, дунд, ахлах ангийн сурагчдын хичээллэх болон амрах нийт хугацаа хот, хөдөөгүй адил юм. Харин  ЕБС-ийн энэ хичээлийн жил зургадугаар сарын эхний долоо хоногт дууссан байх юм.