НИТХ-ын тэргүүлэгчдийн хуралдаан өнөөдөр 10 цагаас эхэллээ. Тус хуралдаанар хэлэлцэх асуудлуудыг нэг нь 1-р амаржих газрын шинэ байрыг хүлээн авах асуудал юм. Тэгвэл уг эмнэлэгийн барилгыг тэргүүлэгчдийн хурлаар хэлэлцээд нийслэлийн өмчид бүртгэлээ.
“Бороо гоулд” ХХК-иас Монголын ард түмэнд бэлэг болгож өөрийн хөрөнгөөр 150 хүний ор бүхий шинэ төрөх газрыг барих гэрээг эрүүл мэндийн яамтай 2011 онд байгуулж барилгын ажлыг эхлүүлсэн. Ингээд барилга байгууламжийг ашиглалтанд оруулах Улсын комисс энэ оны хоёрдугаар сарын 28-ны өдөр ажиллаж, барилгыг байнгын ашиглалтанд хүлээн авах нь зүйтэй гэж үзсэний дагуу энэ оны зургадугаар сарын 15-ны өдрөөс үйл ажиллагаагаа эхлүүлсэн билээ. Өнөөдрийн байдлаар барилгын 5 давхарт орчин үеийн вакуум хагалгааны нэг, энгийн хагалгааны 2 өрөөтэй, 3, 4 дүгээр давхруудад 100 ортой эмэгтэйчүүд, 50 ортой нярайн эмчилгээний хэсэгтэй, 2 дугаар давхарт параклиник, ариутгал, эмийн сан, хурлын заал, сургалтын танхимууд, 1 дүгээр давхарт амбулатори, хүлээн авах, зоорийн давхарт ажилчдын цайны газар, хувцас солих өрөөнүүд, угаалга, дезкамер гэх мэт зохион байгуулалттайгаар ажиллаж байгаа аж. Төрөх эмнэлэг нэн шаардлагатай байгаа энэ үед орчин үеийн бүхий л тоноглолоор хангагдсан шинэ эмнэлэг бол яалт ч үгүй энэ юм.
