Нийслэлийн Иргэдийн Төлөөлөгчид улирал тутам өөрсдөдөө 10 сая төгрөгийн урамшуулал олгох журмыг нийлж суугаад баталсан байна. Тодруулбал, ИТХ-ын төлөөлөгчдөд цалингаас гадна урамшуулал нэрээр 10 сая төгрөгийг зүгээр л бэлэглэдэг гэсэн үг. Уг нь урамшууллыг тодорхой хэмжээний ажил хийсэн, сайн ажилласан хүнд олгодог. Гэтэл Нийслэлийн ИТХ-ын төлөөлөгчдөд ямар ч хяналтгүйгээр 10 сая төгрөгийг олгодогийг иргэд шүүмжилж байна. Тэдэнд өгч буй мөнгө бол татвар төлөгчдийн мөнгө. Нийслэлийн Тамгын газарт нийтдээ 45 ИТХ-ын төлөөлөгч байдаг. Хүн бүрт 10 сая төгрөг өгдөг гэхээр 450 саяаар зүгээр л төлөөлөгчдөө эрхлүүлдэг байна. Ингээд энэ тоогоо 4 улиралд үржүүлбэл тэрбумаар хэмжигдэх тоо гарна. Тэгэхээр ийм хэмжээний мөнгийг дэмий зүйлд дэндүү үрэлгэн байдлаар зарцуулж байна гэсэн үг. Уг нь энэ мөнгөөр Нийслэлд олон бүтээн байгуулалтын ажлын хийж болно. Гэтэл тэд түүний оронд өөрсдийгөө эрхлүүлжээ. Энэ мөнгө 2014 онд нэг дахин өсч 20 сая болохоор ч яригдаж эхэлсэн гэнэ. Төсөв бүрдэхгүй энэ хэцүү үед татвар төлөгчдийн мөнгөнд хэтэрхий үрэлгэн байдлаар хандаад байгаа юм биш үү Д.Баттулга дарга аа. .
Т.Энхэлээ
Сэтгэгдэл (16)