“Цэвэр агаар сан”-гаас их хэмжээний мөнгө идсэн хэрэгт хэд хэдэн хүнд АТГ-аас эрүүгийн хэрэг үүсгэн шалгаж байгаа. Тэгвэл тэдний нэг тус сангийн захирал асан Н.Хүрэлсүх батлан даалтад гарчээ.

Учир нь цагдаагийн байгууллагынхан түүнийг бус ерөнхий нягтлан М.Хуланг энэ  хэрэгт голлох үүрэгтэй оролцсон хэмээн сэжиглэж байгаа юм байна. Тийнхүү сэжиглэх болсон хэд хэдэн үндэслэл  ч байгаа аж. Мөн Н.Хүрэлсүх нягтлангийнхаа талаар “Манай нягтлан сангийн данснаас гадагшаа мөнгө гаргахдаа надаас зөвшөөрөл авдаг байсан ч ямар зориулалтаар зарцуулах гэж байгааг сайн мэдэхгүй гарын үсэг зурчихдаг байсан. Нэг сая төгрөгийн зарлага хийнэ гээд 100 сая төгрөгийн гүйлгээ хийх боломжтой” гэх мэдүүлэг өгсөн нь нөлөөлсөн байж болзошгүй.