Говьсүмбэр аймгийн прокурорын газраас Улсын ерөнхий прокурорын 2011 оны 1/01 дугаартай албан даалгавар, “Хуулийн байгууллагын ажилтнуудын сахилга, хариуцлагыг сайжруулах тухай” Улсын дээд шүүхийн ерөнхий шүүгч, Хууль зүй, дотоод хэргийн сайд, Улсын ерөнхий прокурорын 2011 оны 87/111/118 дугаартай хамтарсан захирамж, тушаал, 2013 оны Төв, орон нутгийн прокурорын байгууллагын удирдах ажилтнуудын зөвлөгөөнөөс Улсын Ерөнхий прокуророос өгсөн үүрэг чиглэлийг хэрэгжүүлэх ажлын хүрээнд аймгийн прокурорын газарт иргэд байцаан шийтгэх ажиллагаанд оролцогчдоос прокурорын үндсэн хяналттай холбогдон гаргасан өргөдөл, гомдол, хүсэлт, мэдээллийг хүлээн авах, бүртгэх, шалгаж шийдвэрлэх ажиллагаа хууль тогтоомж, заавар журмын дагуу явагдаж байгаа эсэхийг энэ сарын байдлаар судалжээ.

Дээрхи хугацаанд иргэд, байцаан шийтгэх ажиллагаанд оролцогчдоос прокурорын үндсэн хяналттай холбогдуулан гаргасан хүсэлт,  гомдол, гэмт хэргийн тухай мэдээллийг аймгийн прокурорын газар хүлээн аваад шалгах хугацааг хэтрүүлсэн, шийдвэрлэлгүй дарагдуулсан тохиолдол гараагүй байна.

Хүсэлт, гомдол, мэдээллийг прокурорын туслах ажилтан хүлээн авч бүртгэлд бүртгэн, хяналтын карт хөтлөн аймгийн прокурор түүний эзгүйд орлогч прокурорт танилцуулж, цохолт хийлгэн холбогдох албан тушаалтанд бүртгэлээр шилжүүлж, прокурорын байгууллагын үйл ажиллагааны монитронгийн системийн “Удирдлага зохион байгуулалт” модулын “Өргөдөл, гомдол” цэсэнд бүртгэн, шийдвэрлэгдсэн гомдол, хүсэлт, мэдээллийг хаалт, хөдөлгөөнийг хийж хэвшин ажилласан байна.

 Хүлээн авсан хүсэлтийн 51.7 хувийг  бүрэн, 13.7 хувийг хэсэгчлэн, 34.4 хувийг хангахаас татгалзаж шийдвэрлэсэн бол хүлээн авсан гомдлын 36.8 хувийг хүлээн авч, 63.2 хувийг хүлээн авахаас татгалзаж, гэмт хэргийн шинжтэй 4 мэдээллийг шалгуулахаар харъяаллын дагуу шилжүүлж шийдвэрлэсэн байна

 Гомдол, хүсэлтийг шийдвэрлэсэн хугацааны хувьд авч үзвэл: Хүсэлтийг өдөрт нь 9, 1-5 хоногт 20, гомдлыг 1-3 хоногт 8, 4-7 хоног 5, 8-14 хоногт 6-ийг тус тус шийдвэрлэсэн ба гомдол, хүсэлтийг харъяалал зөрчиж шийдвэрлэсэн, хугацаа хэтрүүлсэн, шийдвэрлэхгүй дарагдуулсан тохиолдол гараагүй байна.