Гаалийн ерөнхий газрын дарга О.Ганбат, Төрийн захиргаа удирдлагын газрын дарга О.Даваасүрэн  нар Өмнөговь аймгийн Гашуунсухайт дахь Гаалийн газар, Замын-Үүд дэх Гаалийн газар, Сайншанд дахь Гаалийн газарт албан томилолтоор ажиллаа. 

Албан томилолтын зорилго нь хилийн боомтын үйл ажиллагаа, гаалийн хяналт бүрдүүлэлтийн үйл ажиллагааг хэрхэн зохион байгуулж буйг хянаж, газар дээр нь үүрэг чиглэл өгөх, хууль ёсны гадаад худалдааг хөнгөвчилж хялбарчлах, харин хууль бус худалдааны луйвраас урьдчилан сэргийлэх, эд зүйлийг гаалийн хилээр хууль бусаар нэвтрүүлэх үйлдлийг таслан зогсоох, мөн зарим гаалийн газрын удирдлагын багийг газар дээр нь өөрчлөн, ажил хүлээлцүүлэх, удирдлагын шинэ менежмент хэрэгжүүлэх ажлын эхлэлийг тавих зорилготой байлаа.

Мөн хилийн боомт болон гаалийн газар хороодоор үйлчлүүлж буй иргэд ААНБ-ын санал хүсэлт гомдол шүүмжийг газар дээр нь сонсон , шаардлагатай асуудлыг газар дээр нь шийдвэрлэх, ялангуа Гаалийн байгууллагын мэдүүлгийн програмын сүлжээний өргөтгөлийг хийх, аливаа хүндрэл бэрхшээлийг шийдвэрлэх давхар зорилго агуулж байлаа.

Дээрх ажлын хажуугаар хил дээр ажиллаж буй Гаальчдынхаа нийгмийн асуудлыг газар дээр нь судлаж, цаашид тэдний нийгмийн асуудлыг хэрхэн шийдвэрлэх талаар албан томилолтоор ажилласан Гаалийн газар хороодын нийт гаалийн улсын байцаагч нарт танилцууллаа.

Гаалийн байгууллагын удирдлагууд төлөвлөсөн ажлаа гүйцэтгэн, цаашид анхаарч ажиллах үйл ажиллагааны чиглэлээ тодорхой болгож, шинийг хийх ажлаа төлөвлөснөөр энэ удаагийн албан томилолт дуусгавар болсон юм.