ГССҮТ-ийн удирдлагын халаа сэлгээний асуудал одоо ч яригдсаар байгаа. Хэл ам дагуулсан энэхүү ГССҮТ-ийн даргын ажлаа аваад удаагүй захирал Ц.Энхбаяр хэдхэн хормын өмнө хэвлэлийн хурал хийлээ. Тэрбээр эмнэлгийг удирдахад маш их дарамт шахалттай тулгарч байгаагаа сэтгүүлчдэд дуулгаад авав. Мөн энэ байдал бүр даамжирч түүнийг эсэргүүцэж эмнэлгийн 160 гаруй хүн халагдах өргөдлөө өгчээ. Ц.Энхбаярын хэлж буйгаар "Энэхүү зохион байгуулалттай ажлыг толгойлсон долоон эмчийг өөрсдийнх нь хүсэлтээр ажлаас халсан ч эргээд ажилдаа орох хүсэлтэй байгаагаа хэлсэн. Нэг хэсгийнх нь учрыг оллоо гэж байтал Б.Бүргэд тэргүүтэй хэсэг ажилтан намайг дахин эсэргүүцсээр байгаа бөгөөд шинээр томилогдсон ажлын хэсгээр доог тохуу хийх, бусдыг турхирах, өрөөнд нь дайрч орж ирэх зэрэг зүй бус үйлдэл гаргасаар байна" гэлээ. Юутай ч ГССҮТ-д олон нийтийг үймүүлсэн төрийн албан хаагчийн нэр төрд халдсан, ажил албыг хутган үймүүлсэн гэх үйлдлүүд гарсаар байгааг тэрбээр онцолсон юм.