Олон улсын прокуроруудын холбооноос улирал бүр гаргадаг тойм сэтгүүл энэ удаагийн дугаартаа ОХУ-ын Москва хотноо болсон Олон улсын прокуроруудын холбооны 18-р чуулга уулзалтын талаар дэлгэрэнгүй мэдээллийг гаргасан байна.

Уг чуулга уулзалт нь 2013 оны 9-р сарын 8-13 өдрүүдэд болж өнгөрсөн бөгөөд 90 гаруй орны төлөөлөгчид оролцсон бөгөөд Монгол улсаас Улсын Ерөнхий Прокурорын орлогч Г.Эрдэнэбат, Улсын Ерөнхий Прокурорын хяналтын прокурор Э.Болор-Эрдэнэ нар оролцжээ.

Түүнчлэн энэ арга хэмжээний үеэр олон улсын прокуроруудын холбооны ерөнхийлөгч асан James Hamilton үүрэгт ажилаасаа чөлөөлөгдөж түүний оронд холбооны ерөнхийлөгчөөр Gerhard Garosch сонгогдсон талаар дурджээ.

Мөн энэ удаагийн тойм сэтгүүлийн олон улсын мэдээ буланд, АНУ-ын Вашингтон хотын,  “Сургалт судалгааны ерөнхий прокурорын хүрээлэн”-гээс  / NAGTRI / жил бүр зарладаг прокурорын олон улсын тэтгэлэгт хөтөлбөрийн талаар бичсэн байна.

Энэхүү хөтөлбөр нь 2014 оны 6-р сарын 7-15 хүртэлх хугацаанд явагдах  бөгөөд суралцах хугацааны бүх зардлыг төсөл хэрэгжүүлэгч байгууллага NAGTRI хариуцах юм.

“Эрх зүйн хир хэмжээ”сэдвийн дор явагдах уг арга хэмжээнд  дэлхийн өнцөг булан бүрээс ирсэн прокурорууд туршлага солилцох бөгөөд АНУ-аас 6 прокурор  бусад орнуудаас 14 прокурор оролцох юм байна.