Нийслэлийн шилдэг хүүхдүүд өчигдөр Чингис зочид буудалд тодорлоо. Ёслолын ажиллагаанд нийслэлийн есөн дүүргийн 40 гаруй шилдэг хүүхэд цугласан бөгөөд тэднээс оюунлаг, манлайлагч, тамирчин, авьяаслаг, бүтээлч гэсэн таван номинациар шилдгүүд тодорсон байна. Ингээд шилдгээр шалгарсан хүүхдүүдийг танилцуулъя.

1.    Шилдэг тамирчин хүүхэд- М.Анхцэцэг /Хан-Уул дүүргийн 114 дүгээр сургуулийн сурагч/
Гаргасан амжилт: 2012, 2013 оны хүндийг өргөлтийн насанд хүрэгчдийн улсын аваргын тэмцээний алтан медальт, Монголын хүндийн өргөлтийн холбооны цомын аварга, Тайланд улсын Конкаян хотноо болсон олон улсын өсвөрийн тэмцээнээс нэг алт, хоёр мөнгөн медаль хүртжээ.

2.    Шилдэг авъяаслаг хүүхэд – Б.Тунгалагтамир /Баянзүрх дүүргийн 33 дугаар сургуулийн сурагч/
Гаргасан амжилт : ОХУ-ын Буриад улсын ардын урлагийн наадамд эх орноо төлөөлөн найман удаа тоглолт хийж, Япон улсын таван хотод нэг сарын турш аялан тоглолт хийж байсан.

3.    Шилдэг бүтээлч хүүхэд – Б.Цолмон / Баянгол дүүргийн 20 дугаар сургуулийн сурагч/
Гаргасан амжилт:Чех улсад болсон ОУ-ын уралдаанд “Явуулын театр” сэдэвт бүтээлээрээ тусгай байрын шагнал хүртсэн. 2013 онд Хонгконгийн хүүхдийн урлагийн их наадамд “Монгол эр хүн” зургаараа мөн шагнал хүртэж байсан.

4.    Шилдэг манлайлагч хүүхэд – Б.Тэлмүүн /Налайх дүүргийн Голомт цогцолбор сургуулийн сурагч /
Гаргасан амжилт: “Алтан түлхүүрийн эзэн” тэмдэг, энэ оны шилдэг скаутчин, дүүргийнхээ хүүхдийн холбооны тэргүүн, “Хүүхэд-сэтгүүлч” хөтөлбөрийн сэтгүүлч, Аваргын гараа үндэсний бөхийн тэмцээнээс алтан медаль хүртэж байсан.

5.    Шилдэг оюунлаг хүүхэд – Г.Баяржавхлан
Гаргасан амжилт : Олон улсын чанартай томоохон тэмцээн уралдаануудад эх орноо төлөөлөн оролцож амжилт гаргасан тэргүүний математикч. Тухайлбал БНСУ-д болсон олимпиодаас мөнгөн медаль, Тайвань улсад болон тэмцээний тусгай байрын шагнал, Кенгру  олон улсын математикийн олимпиадаас хоёр алт нэг мөнгөн медаль хүртсэн.