Өнөөдөр О.Баасанхүү гишүүн Чингэлтэй дүүргийн зургаадугаар хорооны байранд эмзэг бүлгийн хүүхдүүдэд бэлэг тараалаа. Тэрбээр бэлэг тараах ажиллагааг нээж “УИХ-ын гишүүн гэдэг та нарыг төлөөлж Төрийн ордонд сууж байгаа учир та нарын асуудал гэдэг миний асуудал. Харин миний асуудал та нарын асуудал. Өөрөөр хэлбэл, өнөөдөр Чингэлтэй дүүрэгт гарч буй асуудлууд миний хувьд тулгамдсан асуудлуудын нэг гэж ойлгож байгаа. Чингэлтэй дүүргээс Г.Уянга гишүүн, МАХН-ын Мянгатын дарга З.Баянсэлэнгэ,  АН-аас Ц.Элбэгдорж Ерөнхийлөгч, мөн миний багш С.Төмөр гэдэг хүн гарч байсан. Ийн үе үеийн УИХ-ын гишүүн, Ерөнхийлөгч гарч байсан дүүрэг. Намын талаасаа ч бодсон энэ дүүрэг надтай маш ойрхон санагддаг” гэв.
Н.Тунгалаг: Манайх Чингэлтэй дүүргийн 16-р хороонд амьдардаг. Би гурван хүүтэй. Отгон хүү маань хоёр жил дараалан О.Баасанхүү гишүүнээс бэлэг авч байна. Маш их баяртай байна. Манай нөхөр хүнд учир би нөхрөө гэртээ хардаг. Өнөөдөр хүүхдэд маань бэлэг надад гурил, будаа, есийн тос, элсэн чихэр өгч байна. Өнөөдөр юмны үнэ хэд болчихоод байгаа билээ. Монголчуудын амьдрал ямар хэцүү байгаа билээ. Энэ хүнд үед хүнсний зүйл өгч байгаад баярлаж байна. Ямар ч байсан бид нарын 15 хоногийн хүнс байсан. Яг л ядарсан иргэдээ олж өгсөн бэлэг болж чадлаа.
Чингэлтэй дүүргийн зургаадугаар хороонд оршин суух Н.Энхбилэг: Надад ийм гоё бэлэг өгсөнд баярлалаа. Бас гурил, будаа өгсөн болохоор их гоё байна. Манайх гоймон, будаагаа авч амжаагүй байсан.