Нөөцийн мах өнөөдрөөс Улаанбаатар хотын зарим дэлгүүрийн лангуун дээр очлоо. Нийт 300 гаруй дэлгүүрээр борлуулахаас эхний 40 гаруй дэлгүүрт оны өмнө худалдаалж эхлэх юм. Тухайлбал өнөөдөр “Цэцэнхангай” ХХК-ийн Цэцэн хангай дэлгүүр, "Жавхлант Хүнс" ХХК-ийн Жавхлант дэлгүүр, "Цастын Өвөр" ХХК-ийн Цастын өвөр дэлгүүрт түгээгдсэн байна. Одоогийн байдлаар нийт 12 884,1 тн мах буюу бүрдүүлэх махны 92%-ийг бэлтгэснээс 12 493,4 тн буюу 89,2%-ийг сертификатаар баталгаажуулжээ.

    2014 онд Улаанбаатар, Дархан, Эрдэнэт хотын хүн амын хэрэгцээнд махны нөөц бүрдүүлэх, хадгалах, ангилан савлах, худалдаалах үйл ажиллагааг зохион байгуулах үүрэг бүхий “Нөөцийн махны менежер”-ийг 2013 оны 9-10 сард сонгон шалгаруулж, 4 компанитай гэрээ байгуулан ажиллаж байна. 

Хөтөлбөрийн хүрээнд 2014 онд нийт 14,0 мян.тн махны нөөц бүрдүүлж, худалдан борлуулна.
-    Эрдэнэт хотын “Нөөцийн махны менежер” болох “Эрдмийт” ХХК нь 1000 тн махыг бүрдүүлж, 1000 тн махыг сертификатаар баталгаажуулсан.
-    Дархан хотын “Нөөцийн махны менежер” болох “Дархан мийт фүүд” ХХК нь 1000 тн махыг бүрдүүлж, сертификатаар  1000 тн махыг баталгаажуулсан.  
-    УБ хотын “Нөөцийн махны менежер” болох  “Эи Эн Ди Эм” ХХК нь агуулахад 5763 тн махны нөөц /96%/ бүрдүүлснээс 5499 тн-ыг сертификатаар баталгаажуулсан.
-    УБ хотын “Нөөцийн махны менежер” болох “Баатарууд тэнгэр” ХХК нь агуулахад 5121,1 тн махны нөөц /85,3%/ бүрдүүлснээс 4994,4 тн махыг сертификатаар баталгаажуулаад байна.

Нөөцийн махны менежер: “Баатарууд тэнгэр” ХХК-ийн менежер Э.Онон 99105887
1.    “Цэцэнхангай” ХХК-ийн Цэцэн хангай дэлгүүр /БЗД. 6-р хороо, ЭТӨЧ өөрийн байр. 99110506
2.     "Жавхлант Хүнс" ХХК-ийн Жавхлант дэлгүүр /БЗД. 12-р хороо Жанжины 24-612 тоот 9199316/
3.    "Цастын Өвөр" ХХК-ийн Цастын өвөр /14-р хороо Ахмадын хороолол 98115904/