Орхон аймгийн Прокурорын газар 2013 онд  эрүүгийн ял шийтгэл гарцаагүй биелэгдэхэд анхаарч  хорихоос өөр төрлийн ялаар шийтгэгдсэн ялтны ял эдлэлтийн байдалд хяналтыг тасралтгүй тавьж  ялыг бүрэн эдлүүлэхэд онцгой анхаарч ажиллалаа.

 Ялангуяа торгох ялын биелэлтийг бүрэн хангуулах  зорилт тавьж  шийдвэр гүйцэтгэгч нараас 7 хоног бүрийн 5 дахь өдөр ялын биелэлтийн талаар тогтмол мэдээ авсны үндсэн дээр ялтнуудтай уулзах, тодорхой хугацаа зааж тооцож ажиллах, хуульд заасан бусад арга хэмжээг авч ажилласны  үр дүнд 2012 онд торгох ялын биелэлт  85 хувьтай байсан бол   2013 онд  100%  болж хяналтын ажлын чанар, үр дүн дээшилсэн  амжилтаар 2014 оноо  угтаж байна.