Боловсрол, шинжлэх ухааны яам боловсролын чанарыг шинэчилж, хүүхэд нэг бүрийг орхилгүй хөгжүүлэх зорилт тавин ажиллаж байгаа. Энэ зорилтынхоо хүрээнд ерөнхий боловсролын сургууль болон цэцэрлэгт одоо ажиллаж байгаа багш, шинээр багш мэргэжилтэй төгсөх оюутнуудын мэдлэг, чадварт ихээхэн анхаарал хандуулж байгаа юм. Үүний илрэл нь өнгөрсөн нэг жилийн хугацаанд БШУЯ-ны харвяа Багшийн мэргэжил дээшлүүлэх институт 24,700 багшид заах арга зүйн шинэчлэлийн сургалт зохион байгуулсан байна. Харин шинэ оны босгон цэцэрлэгийн багш нарынхаа хөгжилд ахиц авч ирэх “Хүүхэд нэг бүрийн хөгжлийн төлөө” нэртэй цэцэрлэгийн багшийн гарын авлага хэвлүүлсэн байна. Эдгээр гарын авлагууд багшийн гар дээр очсоноор боловсолын чанар шинэчлэлийн бодлого хаашаа чиглэж байгаа болон хүүхэд нэг бүрийг орхилгүй хөгжүүлж, хичээлдээ дуртай болоход нь юуг анхаарах ёстой талаар ойлголт авах юм. Ингэснээр цэцэрлэгийн багш нар өмнөхөөсөө илүү чанарт анхаарч ажиллах болно гэдэгт гарын авлага бүтээсэн Сургуулийн өмнөх боловсролын чанарын шинэчлэлийн менежментийн багийнхан итгэлтэй байгаагаа хэллээ.
