Шинэ жилийн баярын захиалга авч буй ресторануудын хувьд нэг дор хэчнээн хүн хүлээж авах хүчин чадал, зэрэглэлээсээ хамаарч үнэ ханш өөр өөр байдаг. Жишээлбэл, 50-100 хүн нэг дор хүлээж авах хүчин чадал бүхий дундаж рестораны хувьд нэг хүний 70-100 мянган төгрөгийн хураамжийг захиалга өгсөн байгууллагаас авдаг байна.
Харин 200-аас дээш хүн хүлээн авах хүчин чадалтай томоохон ресторанууд 120-150 мянган төгрөгийн такстай байдаг аж.  Мөн 20-30 хүн хүлээн авах дундаж зоогийн газар, караоке олон. Тэд ихэвчлэн  30-40 мянган 50-70 мянган гэсэн таксаар үйлчилдэг байна. Дээрээс нь түрээсийн мөнгө, цагийн мөнгө гээд л 10-200 мянган төгрөг нэмдэг аж. Энэ мэтчилэн шинэ жилийн үеэр хамгийн их орлого олдог газрууд нь ресторанууд байдаг аж.