“Coal Mongolia-2014” буюу нүүрсний салбарт хөрөнгө оруулагчдын дөрөв дэх удаагийн олон улсын чуулга уулзалт ирэх сарын 20, 21-ний өдөр зохион байгуулагдах гэж байна.

Энэхүү чуулга уулзалт нь Монгол Улсад хэрэгжүүлж буй нүүрсний хайгуул, олборлолт, боловсруулалтын төслүүдэд хөрөнгө оруулалт татах, нүүрсний салбарын өнөөгийн чиг хандлага, ирээдүйн төлөв байдал, хөрөнгө оруулалт, эрхзүйн орчин, дэд бүтэц, дэвшилтэд техник технологийг нэвтрүүлэх зэрэг олон асуудлыг хөндөж Азийн бүс нутагт Монголын нүүрсний салбарын өрсөлдөх чадварыг нэмэгдүүлэх үндсэн зорилготой.

2013 онд манай улсын нүүрсний зах зээл хүндхэн жил байсан боловч нүүрсний компаниуд түүхэнд байгаагүйгээр маш өндөр үзүүлэлттэйгээр 11 сарын байдлаар 28,6 сая тонн нүүрсийг олборлож, экспортод 16 сая тонныг гаргасан ба энэ нь өмнөх 2012 оны экспортын хэмжээндээ дөхөж очиж буй үзүүлэлт бөгөөд өмнөх оноос 6 сая тонн нүүрс илүү олборлосон байна. 

Чуулгад оролцох аж ахуй нэгжүүдийг бүртгэж эхэлсэн бөгөөд та дэлгэрэнгүй мэдээллийг 70115590 утсаар болон www.coalmongolia.mn, www.mining.mn сайтаас авах боломжтой.