Нийслэл хотод маань хөдөө орон нутгаас иргэд ирж суурьших явдал буурахгүй байгаа. Мөн шинэ барилга байгууламжууд ихээхэн баригдаж байгаа юм. Үүнтэй холбогдуулж хаягжилтын асуудал нэлээд их байгааг ЦЕГ-аас онцолж байна. Иргэд хаягжилтаа бүрэн хийлгээгүй мөн сайн мэдэхгүй  байгаагаас цагдаа нарын ажиллах шуурхай байдал алдагдаад байгаа аж. Тиймээс иргэд хаяг, байршлынхаа болон оршин суугаа газрынхаа талаар тодорхой мэдлэг, мэдээлэлтэй байх хэрэгтэй байна. Түргэн тусламжийн машин, галын машин, цагдаагийн үйлчилгээ очиход түргэн шуурхай байх нөхцөлийн бүрдүүлэх чухал юм.