ОБЕГ-аас, томоохон гол мөрний  мөсний зузаан олон жилийн дунджаас 20-40 см нимгэн байгаа тул ард иргэдийг цаг хожих, зам товчлох зэргээр мөсөн дээгүүр авто тээвэр хийхгүй байхыг анхааруулав. Энэ сарын 1-ний өдрийн байдлаар жижиг голууд ёроолдоо хүртэл хөлдсөн боловч  томоохон гол мөрөн болох Сэлэнгэ, Орхон, Хараа, Ерөө, Туул, Тэрэлж, Хэрлэн зэрэг голын дагуух мөсний даац хүн, мал, автомашин явахад аюулгүй хэмжээнд хүртэл  бэхжээгүй байгаа аж.

Харагдах байдлаар  гол мөрөн бүхэлдээ мөсөн бүрхүүл тогтсон ч мөсний зузаан олон жилийн дунджаас нимгэн байгааг мэргэжлийн байгууллагаас санууллаа.