Танай гэрт ханиадтай “этгээд” хэд байна? Үргэлж л өөрийгөө баярлуулж байдаг юм чинь өнөөдөр гэрийнхэндээ анхаарал тавьж, хүйтэн өвлөөр халуун хайраа мэдрүүлцгээе. Дараах алхмуудыг дагавал цогц халамж байж чадна.Алхам 1: Гэр бүлийнхээ бүх гишүүдийн ороолт, малгай, бээлийнүүдийг цуглуулаарай. Цоорсон, урагдсан байвал оёод дээрх бөөгнөрсөн ширхэгүүдийг түүж цэвэрхэн болгоно.
Алхам 2: Дэлгүүрээс аарц худалдаж аваад гараа гарган тэдэндээ буцалгаж өгнө. Гэнэт хав халуун, чихэртэй аарц хүрээд ирэхээр тэд ямар их баярлах бол?
Алхам 3: Дэлгүүр явахдаа эмийн сангаар ч бас дайраарай. Дархлаа сайжруулах бэлдмэлийг гэр бүлийн гишүүдийнхээ тоогоор аваад цүнхэнд нь сюрприз болгоод хийчих. Нөхөртөө тусгайлан зурвас бичиж үлдээгээрэй.
Алхам 4: Өдөр аарц ууж дархлаагаа сайжруулсан тэдэнд халуун сүү, шоколадтай халааж өгнө.
Алхам 5: Ажил дээр болсон хөгжилтэй зүйлсээ гэр бүлийнхэнтэйгээ хуваалцаарай. Хамтдаа инээдмийн кино үзсэн ч болно. Тэднийхээ эрүүл мэндэд анхаарах өөр нэгэн шилдэг арга бол инээлгэж, дархлааг нь сайжруулах шүү дээ.
Гэр бүлээ дархлаажуулах нэг өдрийн аян энд хүрээд дуусч байна. Хайрыг бусдад өгч байж л сая утгаа олж, илүү хүчирхэг болдог мэт санагддаггүй гэж үү? Хүйтэн өвөл хайраа улам улам дулаахан болгоорой. 
