Монголын хөрөнгийн биржийн гүйцэтгэх захирал Х.Алтай болон тус хөрөнгийн биржийн дэд захирал Н.Саруул нар ажлаасаа гарах өргөдлөө өгчээ.  Х.Алтайгийн хувьд гурван жил энэ албыг хашиж, хийх ёстой зүйлсээ хийж гүйцэтгэсэн гэж үзэж байгаа юм байна. Энэ асуудлаас улбаалж Хөрөнгийн биржийн төлөөлөн удирдах зөвлөл энэ сарын 15-нд хуралдахаар болжээ. Мөн гүйцэтгэх захирал Х.Алтайг ажлаас халагдах өргөдлийг хүлээж авлаа гэх Төрийн өмчийн хорооны шийдвэр гарсан байна.  Ингэснээр ТУЗ-ын хуралдаанаар түүнийг ажлаас чөлөөлөх явдал албан ёсных болох юм.