Авлигын эсрэг хуульд нэмэлт өөрчлөлт орж байна. Энэ хуулийн хүрээнд АТГ-ын бүтэц зохион байгуулалтанд ихээхэн өөрчлөлт орж байгаа юм. Тухайлбал,

Нэг. АТГ-ын нэрийг "Авлигатай тэмцэх ерөнхий газар" болгоно.

Хоёр. Бүтэц, орон тоог 50 хүнээр нэмэгдүүлж, АТГ-ыг 195 алба хаагчтай болгоно.

Гурав. АТГ-ын орон нутаг дахь салбарыг бүсчилсэн байдлаар байгуулна.

Дөрөв. Тухайлбал, Баруун бүсийн салбарыг Ховдод, Зүүн бүсийг Хэнтийд, Говийн бүсийг Өмнөговьд, Төвийн бүсийг Архангайд, Хойд бүсийн салбарыг Эрдэнэтэд тус тус байгуулна.

Тав. АТГ-ын бүх албан тушаалтан, ажилчид нэг ижил дүрэмт хувцастай болно.

Зургаа. АТГ-ын даргаар 45-аас дээш насны хүнийг томилно. /Одоогоор бол 55-аас дээш насны хүн томилдог/

Долоо. УЕП-ын дэргэдэх мөрдөн байцаах албыг АТГ-т нэгтгэнэ.