Төгсбаясгалант зурхайн зурлагаар Цагаан сарын шинийн нэгэн энэ сарын 31-нд тохиож байгаа бөгөөд урд хөршийн цагаан сар манайхтай давхцаж байгаа. Тиймээс эдгээр баярын өдрүүдэд хилийн боомтууд ямар зохицуулалтаар ажиллахыг танилцуулъя.

Баярын өдрүүдэд ОХУ-тай хиллэдэг боом­тууд болох Алтанбулаг, Сүх­баатар, Эрээнцавын төмөр замын боомтууд тогтсон цагийн хуваа­рийн дагуу ажиллана. Энэ нь галт тэрэг­ний хуваарьт  өөрчлөлт орох­гүй гэсэн үг. Харин автозамын боомт шинийн 1, 2-нд амрах юм байна. Өнөө жилээс эхлэн шинийн гурван албан ёсоор амрал­тын өдөр болсон хэдий ч хоёр улсын хилийн хэлэл­цээрээр ярилцаагүй байгаа учраас зөвхөн шинийн 1, 2-нд амраад гуравнаас цагийн хуваарийн дагуу ажиллах гэнэ.

Түүнчлэн урд хөрштэй хиллэдэг боомтуудын хувьд хоёр улсын сар шинийн баяр давх­цаж байгаа учраас гур­ван өдөр амраад шинийн 4-нөөс эхлэн цагийн хуваарийн дагуу ажиллах юм байна. Гэхдээ авто замын боомтууд л уг хуваарийн дагуу ажиллах аж. Төмөр замын боомт аль ч өдөр амрахгүй гэнэ. Тиймээс шинийн 1, 2-нд урд хөршийг зорих иргэд олон улсын галт тэргээр зорчиж болно. Тухайлбал УБ-Эрээн, УБ-Хөх хот, УБ-Бээжингийн галт тэрэг баярын өдрийг үл харгалзан иргэдэд үйлчилнэ гэнэ.