Замын хөдөлгөөний дүрэм зөрчсөн үйлдлийг гудамж замд байрлуулсан замын хөдөлгөөний хяналтын камер, цагдаагийн шалгах төхөөрөмжөөр арга хэмжээ авагдсан мэдэгдэх хуудас, Замын цагдаагийн газрын  Facebook хуудсанд иргэдээс ирүүлсэн зөрчилд бэлэн бусаар торгуулийн арга хэмжээ тооцож эхэлсэн.

Энэ  үйл ажиллагаа эхэлснээс хойш одоогоор дүрэм зөрчсөн жолооч нарын 86 хувь нь торгуулийн төлбөрөө төлж барагдуулсан. Үлдсэн 20 орчим хувь нь ямар нэгэн байдлаар торгуулиа төлөхөөс зайлс хийх, удаа дараа замын хөдөлгөөнийг дүрмийг бүдүүлгээр зөрчиж  байгаа судалгааг замын хөдөлгөөний удирдлагын төвөөс авсан.

 Иймд торгуулиа барагдуулаагүй тохиолдолд тээврийн хэрэгсэл эзэмшигчийн жолоодох эрхийг Захиргааны хариуцлагын тухайн хуулийн 25.5 дахь хэсэгт заасны дагуу 2 жил  хүртэл хасах арга хэмжээг Замын цагдаагийн газраас авч эхэллээ.

Тиймээс замын хөдөлгөөнд оролцогч жолооч хэн бүхэн дүрэм зөрчсөн алдаагаа дахин гаргахгүй зөрчсөн бол хугацаанд нь торгуулиа төлсөн байх, удаа дараа зөрчил гаргахгүй байж гэмээнэ жолоо барих эрхээ хасуулахгүй байх боломжтой гэдгийг сануулж байна.