Чингэлтэй дүүргийн прокурорын газар  нь 2014 оны гэмт хэргээс урьдчилан сэргийлэх ажлын төлөвлөгөөний дагуу дүүргийн цагдаагийн 2 дугаар хэлтэс, Нийслэлийн  Хүүхэд залуучуудын хөгжлийн газар хамтран сургуулийн сурагчдын амралт эхлэх болон Монголын уламжлалт цагаан сар эхлэх гэж байгаатай  холбогдуулан гэмт хэргээс урьдчилан сэргийлэх зорилгоор  Чингэлтэй дүүргийн 61 дүгээр сургууль дээр  ахлах ангийн сурагчдын дунд “Өсвөр үеийн хүүхдийн гэмт хэргээс урьдчилан сэргийлье” сэдэвт  зөвлөгөөн ийг зохион байгууллаа.

       Энэ зөвлөгөөнд тус дүүргийн прокурорын газрын хяналтын прокурор Б.Төмөрчөдөр  “Архидан согтуурах, хар тамхи, мансууруулах бодис хэрэглэхийн эсрэг тэмцэх, түүнээс урьдчилан сэргийлэх нь”,  Нийслэлийн хүүхэд залуучуудын хөгжлийн газрын мэргэжилтэн Г.Цоожбаяр “Хүүхдийн гэмт хэргээс урьдчилан сэргийлэхэд  багш, эцэг эхийн  үүрэг”, дүүргийн Цагдаагийн  2 дугаар хэлтсийн ахлах ажилтан а/х  Г.Өнөржаргал  “Насанд хүрээгүй хүүхдүүдээс үйлдсэн гэмт хэргийн шалтгаан  нөхцөл, түүнээс урьдчилан  сэргийлэхэд анхаарах асуудал” сэдвээр тус тус  илтгэл, мэдээлэл хэлэлцүүүлж,  сургуулийн сурагчдаас гаргасан асуултанд дэлгэрэнгүй хариулт  өглөө.

     Тус сургуулийн сурагчдаас өнгөрсөн 2013 онд цавуу үнэрлэж байгаад  амь насаа харамсалтайгаар алдсан болон “Хүүхэд,гэр бүл, нийгмийн ёс суртахууны эсрэг  гэмт хэрэг нэг бус гарч байсан байна.

          Энэ  зөвлөгөөнд  тус сургуулийн 9-11 дүгээр ангийн 130 гаруй сурагчид  анги удирдсан багш нар болон хорооны хэсгийн ахлагч нар, Олон нийтийн  байцаагч, сургууль, эмнэлгийн нийгмийн ажилтнууд оролцож тус тусын чиглэлээр зөвлөгөө, зөвлөмж  өгсөний гадна тус сургуулийн захирал М.Мөнхчимэг    нь  уг зөвлөгөөнийг  цаг үеэ олсон чухал асуудлыг зөвлөн хэлэлцсэнд талархаж байгаагаа илэрхийлээд  зөвлөгөөнийг хааж  үг хэлсэн байна.