Яг одоо Чингисийн талбайд Нийгмийн ардчилал Монголын залуучуудын холбооны "Огцруулах уу, Оршуулах уу” нэртэй тайван жагсаал болж байна.

Үндсэн хуулийн өдөрт зориулсан энэхүү жагсаалаараа тэд энэ хуулийг удаа дараа зөрчсөн төрийн түшээдийг огцрохыг шаардаж буйгаа илэрхийллээ. Тэд Ерөнхий сайд Н.Алтанхуягийг засгийн газрын тэргүүнээр ажиллаад 17 сар болохдоо таван удаа үндсэн хууль зөрчсөн хэмээн үзэж байгаа бөгөөд тэдгээрийг тоочсон самбаруудыг төв талбайд байрлуулжээ.

Тухайлбал Ерөнхий сайд Н.Алтанхуягийн Засгийн газар 2012 оны 26 дугаар тогтоолоороо төрийн албанд "түр орлон гүйцэтгэх" журам гаргасан болон ТЕГ-ын дэд дарга Г.Ариунсанг томилохдоо үндсэн хуулийн 11 дүгээр зүйлийн 1 дэх заалт, 14 дүгээр зүйлийн 3 дахь хэсгийн 1, 2, 3, 5 дахь заалтуудыг зөрчсөн хэмээн самбаруудад бичсэн байна.

Мөн тэд энэ үеэр 40 метр урт хэвлэмэл үндсэн хуулийг олон нийтэд дэлгэн харуулахын зэрэгцээ аудио үндсэн хуулийг иргэдэд  сонсгож байна.