Өнөөдөр болсон Нийслэлийн удирдлагын зөвлөлийн хуралдаанаар удахгүй болох цагаан сарын баярыг угтан авах арга хэмжээнүүдээ хэлэлцэн баталлаа.

Тухайлбал баярын бэлтгэлээ базаах иргэдийн хөдөлгөөн ихэссэнтэй холбоотойгоор  цагаан сарын өмнөх хоёр долоо хоногийн амралтын өдрүүдэд автомашины улсын дугаарыг тэгш сондгойгоор нь ялган хөдөлгөөнд оролцуулах шийдвэрийг гаргасан байна.

Тодруулбал энэ сарын 18, 26-нд сондгой, 19, 25-нд тэгш тоогоор төгссөн улсын дугаартай тээврийн хэрэгсэл 10.00-20.00 цагийн хооронд хөдөлгөөнд оролцохгүй байхаар зохицуулалт хийлээ.