Улсын клиникийн төв эмнэлэгт энэ сарын 17-ноос эхлэн ясны чөмөг шилжүүлэн суулгах хагалгааг хийж эхлэхээр болсон байна. Тодруулбал, тус эмнэлгийн ясны чөмөг шилжүүлэн суулгах тасаг шинээр нээгдэж үйл ажиллагаа явуулахад бэлэн болжээ. Улсын клиникийн төв эмнэлгийн хувьд ясны чөмөг, цусны үүдэл эс шилжүүлэн суулгах хагалгааг Монгол нэвтрүүлэхээр хоёр жилийн өмнөөс бэлдэж эхэлсэн юм. Ясны үүдэл эс шилжүүлэн суулгахад өртөг, өндөртэй эмчилгээний төрөлд ордог аж. Тухайлбал, тус хагалгааг хийлгэхэд хамгийн багадаа 60 сая төгрөг байдаг бол дээшлээд 350 сая төгрөг болдог байна. Үүнээс гадна шинэ тасагт цусны хавдар, бодисын солилцооны болон өөр төрлийн өвчтэй хүнийг эмчилж болох аж. Дашрамд, анхны ясны чөмөг шилжүүлэн суулгах хагалгааг дунд эргэм насны эрэгтэй хийлгэх юм байна.