Гэр хорооллын дахин төлөвлөлтийн 2-р ээлжийн төсөл хэрэгжүүлэгчийг сонгон шалгаруулах санал хураалт маргааш болох гэж байна. Дахин төлөвлөлтийн 2-р ээлжийн найман байршилд төсөл хэрэгжүүлэхээр 21 компани 31 санал ирүүлснээс санал тус бүрийг үнэлэн “Гэр хорооллын дахин төлөвлөлтийн үйл ажиллагааны журам”-ын дагуу эхний шалгуурыг хангасан 12 компанийг шалгаруулжээ. Эдгээр 12 компаниас иргэдээс санал авч эцсийн байдлаар Гэр хорооллын дахин төлөвлөлтийн төсөл хэрэгжүүлэгчийг шалгаруулах юм.
Санал авах ажиллагаа энэ сарын 11-нд буюу маргааш 09-19 цагийн хооронд дахин төлөвлөлтөд багтсан нутаг дэвсгэрт амьдарч буй иргэдийн дунд болно.
Гэр хорооллын дахин төлөвлөлтийн 2-р ээлжийн найман байршилд иргэдээс санал авахаар шалгарсан аж ахуйн нэгжүүдийн нэрс болон санал хураалт болох газрын байршлыг танилцуулж байна.
· Сонгинохайрхан дүүргийн 28-р хорооны хурлын танхимд, ТОБ групп ХХК
· Сүхбаатар дүүргийн 15-р хорооны Иргэний танхимд, Цэлмэг Ази Констракшн ХХК
· Хан-Уул дүүрэг, 4-р хорооны байр, Төрийн орон сууцны корпораци ТӨҮГ
· Багануур дүүрэг 5-р хорооны хурлын танхим, Их наяд хөгжил ХХК
· Чингэлтэй дүүрэг 10-р хорооны байр,/А блок/ Бармон ХХК
· Чингэлтэй дүүрэг 9-р хорооны байр /Б блок/Эрэл ХХК
· Баянзүрх дүүрэг 2-р хорооны Сүлд чуулгын байр, Их өргөө ХХК
· Сонгинохайрхан дүүрэг 20 –р хорооны байр /А блок/ Хас харш ХХК
· Сонгинохайрхан дүүрэг 42-р сургуулийн зааланд /Б блок/ Стандарт Капитал ХХК
