-УИХ-ын чуулган завсарлахаас өмнө ЭЗЭН-100 хөтөлбөртэй холбоотой гол хуулийн төслүүдээ батлуулж чадсан уу?

"ЭЗЭН-100” хөтөлбөрт тусгасан эрх зүйн гол зохицуулалтаа УИХ-ын хаврын чуулганаар батлуулж чадсан. Одоо ажил болон амьдралд хэрэгжээд явж байна. Гэхдээ энэ 100 хоногт бүх зүйл гялалзана гэж мушгиж болохгүй. Бид 100 хоногтоо нэлээд олон ажлуудыг амжуулаад явж байна.

-ЭЗЭН-100 хөтөлбөрийн хүрээнд байгуулсан зөвлөлд ажиллаж байгаа хүмүүс ямар урамшуулалт цалин авч ажиллаж байгаа вэ. Хөтөлбөрийг амжилттай хэрэгжвэл энэ хүмүүст яма рурамшуулал олгох вэ, үр дүн муу гарвал ямар хариуцлага тооцох вэ?

-Энэ зөвлөлийнхөн мөнгө төгрөг авна гэж яриагүй. Цалингүй ажиллаж байгаа. Өөрсдийн гэсэн ажилтай, орлоготой хүмүүс шүү дээ.

-Ипотекийн корпорациас олгож буй орон суууцны найман хувийн зээлийн хүү 9.7 хувь болж өссөн талаах мэдээлэл цацагдлаа. Энэ үнэн үү?

-Орон сууцны найман хувийн зээл хэвийн үргэлжилж байгаа. Ямар нэгэн саад тотгор учраагүй. Ер нь бол инфляци өсөх буурах тохиолдлыг тооцоолсон “+-8" гэж баталсан. Хэрэв инфялаци буурах юм бол долоон хувь болж буурч болно. Харин өсөхөд ес болох магадлалтай. Гэхдээ одоогоор тийм зүйл байхгүй байна. Зээл хэвийн үргэлжилж байгаа.

-ҮХААЯ-ны ажил цалгардаж байгаа зураглал харагдах боллоо. Тухайлбал, гурилын үнэ өссөн. Гэвч үүнийг тус яамнаас үгүйсгэж байгаа ч үнийн хөөрөгдөл нь буурахгүй байна. Та танхимын тэргүүний хувьд тайлбар өгөхгүй юу?

-ҮХАА-н сайд нь аж ахуй нэгжүүдтэйгээ тулж ажиллаж байгаа. Мөн үнэ тогтворжуулах хөтөлбөрийн хүрээнд гурил үйлдвэрлэдэг аж ахуйн нэгжүүдийг дэмжсэн. Тиймээс зориудаар гурилын үнийг хөөрөгдөх шалтаг, шалтгаан байхгүй. Тус яамнаас гурил үйлдвэрлэгч компаниудтай ярилцаж үүнийг зохицуулах учиртай.

-Хөгжлийн банкнаас санхүүжих ёстой замын ажлууд зогсонги байдалд оржээ. Яагаад санхүүжилт хийдэхгүй байгаа юм бол?

-Хөгжлийн банкинд мөнгө байгаа. Чингис бондын 1.5 тэрбум ам.долларын хагас нь бүтээн байгуулалт болоод гарчихсан. Үлдсэн арипжааны банкуудад байршиж хүүгээ төлж байгаа. Засгийн газрын хурлаар Дарханы зам, Өвөрхангай зэрэг гурван чиглэлийн замыг засах шийдвэр гаргаж, 17.6 орчим тэрбум төгрөг хэрэгтэй гэсэн шийдвэрийг гаргасан. Одоо ажил нь удахгүй хийгдэнэ.

-Хууль зүйн сайд Х.Тэмүүжингийн асуудалд танхимын тэргүүний хувьд юу хэлэх вэ?

-Энэ асуудалд би юу хэлэхэв дээ. Миний харж буйгаар зохион байгуулалттай гүтгэлэг явж эхэлж байна гэж харж байна. Тиймээс үүний дагуу шалгаж, зохих хариуцлагыг хүлээлгэх ёстой.