“Говь Повер” ХХК их хэмжээний мөнгийг “Эрдэнэс- Таван толгой” ХК-иас нэхэмжилж, нэхэмжилсэн мөнгөө шүүхээр шийдүүлэх замаар гарган авсан гэсэн мэдээлэл сүүлийн үед хэвлэл мэдээллийн хэрэгслээр их цацагдлаа. Энэ асуудлаар “Эрдэнэс-ТаванТолгой” ХК-ийн Хууль, эрх зүйн хэлтсийн дарга М.Энх- Амгалантай ярилцлаа.
-Эрдэнэс-Таван Толгой ХК яагаад “Говь Повер” ХХК-тай байгуулсан гэрээгээ цуцлах болсон юм бэ?
-“Эрдэнэс-ТаванТолгой" ХК нь Өмнөговь аймгийн Ханбогд сумын нутагт орших Цагаан хад дахь гаалийн хяналтын талбайд гаалийн хяналтын бүс, түүнтэй холбоотой ажил үйлчилгээ үзүүлэгчийг шалгаруулах тендерийг 2012 оны 12 дугаар сард зарласан. Уг тендер шалгаруулалтанд “Говь повер” ХХК шалгарч, гэрээ байгуулан ажиллаж эхэлсэн. Үүнтэй зэрэгцээд нүүрсний үнэ гадаад зах зээлд ихээхэн буурсан бөгөөд “Эрдэнэс-Таван толгой” компани Чалко компанид нийлүүлэх нүүрсний тээвэрлэлтийн өртгийг бууруулах, үйл ажиллагааны зардлыг хэмнэх үүднээс нүүрсний тээврийг Цагаан хадаар дамжуулахгүйгээр уурхайн аман дээр гаалийн бүрдүүлэлт хийн шууд БНХАУ-ын Ганц мод боомт хүртэл тээвэрлэх асуудлыг Чалко компанитай тохирсон. Ингэснээр тус компани экспортолж буй нэг тонн нүүрс тутамд таван ам.долларыг хэмнэх бололцоотой болсон гэсэн үг. Засгийн газрын 2013 оны 225 дугаар тогтоолоор “Эрдэнэс-Таван Толгой” компанийн уурхай дээр гүний гааль байгуулахаар шийдвэрлэж, холбогдох арга хэмжээ авахыг үүрэг болгосон. Нэгэнт Чалко компанид нийлүүлэх нүүрсийг Цагаан хадаар дамжуулан нүүрс экспортлохгүй болсон тул “Говь Повер” ХХК-тай байгуулсан гэрээг цуцлах мэдэгдлээ тус компанид 2013 оны зургадугаар сарын 14-ний өдөр хүргүүлсэн. Энэхүү шийдвэрийг “Говь Повер” компани эс зөвшөөрч Чингэлтэй дүүргийн шүүхэд 2013 оны долдугаар сарын дөревний өдөр нэхэмжлэл гаргасан бөгеед нийт 7.4 тэрбум төгрөгийг “Эрдэнэс-Таван Толгой” компаниас нэхэмжилсэн.
-Танай компаниас зарласан тендерт ЗГХЭГ-ын дэд дарга асан Г.Дэнзэнгийн эхнэрийн компани шалгарсан тухай өнгөрсөн жил багагүй шуугисан?
-Уг тендер шалгаруулалт хуульд нийцсэн эсэхийг Авилгатай тэмцэх газар, Нийслэлийн Прокурорын газар өнгөрсөн онд шалгаад зохих дүгнэлтээ гаргасан тул нэмж тайлбар хийх нь илүүц болов уу.
Ер нь бол “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн дагуу тендерийн Үнэлгээний хороо нь тендерт оролцогчцын саналыг зөвхөн ирүүлсэн мэдээлэлд нь үндэслэн тендерийн шаардлага хангаж буй эсэхийг үнэлдэг бөгөөд тухайн компанийн эзэмшлийг шалгаж тогтоох үүрэг Үнэлгээний хороонд байдаггүй.
-Сүүлийн үед Г.Дэнзэн нь “Говь Повер” XXК-иар дамжуулан танай компаниас 4.8 тэрбум төгрөг гаргуулж авсан гэж бичих боллоо?
-Уг асуудлыг гэмт хэргийн шинжтэй эсэхийг тогтоох үүднээс мөрдөн шалгах ажиллагаа явуулах эрх нь холбогдох хууль хяналтын байгууллагад байгаа. “Эрдэнэс- Толгой” компани уг асуудлыг өөрийн хүсэлтээр эрх бүхий байгууллагаар шалгуулах хүсэлтэй байна. Ингэх нь стратегийн томоохон ордод үйл ажиллагаа явуулдаг “Эрдэнэс-Таван Толгой" компанийн өнөөгийн үйл ажиллагааг бодитоор дүгнэхэд тустай төдийгүй олон нийтэд компанийг тойрсон асуудлуудаар үнэн зөв мэдээллийг өгөхөд чухал ач холбогдолтой.
-“Говь Повер” ХХК танай компаниас хохирлоо шаардах эрхтэй юу?
-Уг компани Монгол Улсын Иргэний хуулийн 229 болон 355 дугаар зүйлийн дагуу хохирлоо барагдуулахаар нэхэмжлэл гаргасан.
-4.8 тэрбум гэсэн үнэлгээг ямар байгууллага хийсэн, юунд үндэслэж тогтоосон талаар мэдээлэл өгөхгүй юу?
-“Говь Повер” ХХК 2014 оны долдугаар сарын дөрөвний өдөр гаргасан нэхэмжлэлдээ манай компаниас нийт 7.4 тэрбум төгрөг нэхэмжилсэн. “Говь Повер” компанийн үнэлгээг бид өндөр гэж үзсэн тул Иргэний хэрэг шүүхэд хянан шийдвэрлэх тухай хуулийн 47 дугаарт зүйлд заасны дагуу шинжээч томилж үнэлгээг хийлгэх хүсэлтээ бид шүүхэд гаргасан. Нийслэлийн Чингэлтэй дүүргийн шүүхийн шүүгчийн 2013 оны наймдугаар сарын 26-ны өдрийн 4071 дугаар захирамжийн дагуу Шүүхийн шинжилгээний Үндэсний хүрээлэнгийн шинжээч үнэлгээ хийж 2013 оны есдүгээр сарын 18-ны өдрийн 176 тоот дүгнэлтээр 5.3 тэрбум төгрөгөөр тоггоосон. Шүүхийн шинжилгээний үндэсний хүрээлэнгийн Эдийн засгийн шинжилгээний орон тооны бус мэргэжлийн комиссын дээрх үнэлгээг 2013 оны есдүгээр сарын 18-ны өдрийн хурлаараа хэлэлцэж баталгаажуулсан.
-Цагаан хад дахь гаалийн хяналтын бүс одоо ашиглагдаж байгаа юу? Шүүхийн шийдвэрийн дагуу авсан тэр их хэмжээний хөрөнгийг танай компани хэрхэн ашиглах вэ?
-Нэгэнт шүүхийн шийдвэрээр дээрх хөрөнгө манай компанид шилжиж ирсэн тул бид энэ хөрөнгийг үр ашигтай ажиллуулж байна. Тухайлбал энэ жил бид экспортыг нэмэгдүүлэх зорилгоор Цагаан хад дахь гаалийн хяналтын талбайгаар дамжуулж 500 гаруй мянган тонн нүүрс экспортолсон. Цаашид Баруун Цанхийн уурхайд болон боомтын темөр зам ашиглалтад орох үед шилжүүлэн ашиглана.
-Эрдэнэс-Таван Толгой ХК яагаад “Говь Повер” ХХК-тай байгуулсан гэрээгээ цуцлах болсон юм бэ?
-“Эрдэнэс-ТаванТолгой" ХК нь Өмнөговь аймгийн Ханбогд сумын нутагт орших Цагаан хад дахь гаалийн хяналтын талбайд гаалийн хяналтын бүс, түүнтэй холбоотой ажил үйлчилгээ үзүүлэгчийг шалгаруулах тендерийг 2012 оны 12 дугаар сард зарласан. Уг тендер шалгаруулалтанд “Говь повер” ХХК шалгарч, гэрээ байгуулан ажиллаж эхэлсэн. Үүнтэй зэрэгцээд нүүрсний үнэ гадаад зах зээлд ихээхэн буурсан бөгөөд “Эрдэнэс-Таван толгой” компани Чалко компанид нийлүүлэх нүүрсний тээвэрлэлтийн өртгийг бууруулах, үйл ажиллагааны зардлыг хэмнэх үүднээс нүүрсний тээврийг Цагаан хадаар дамжуулахгүйгээр уурхайн аман дээр гаалийн бүрдүүлэлт хийн шууд БНХАУ-ын Ганц мод боомт хүртэл тээвэрлэх асуудлыг Чалко компанитай тохирсон. Ингэснээр тус компани экспортолж буй нэг тонн нүүрс тутамд таван ам.долларыг хэмнэх бололцоотой болсон гэсэн үг. Засгийн газрын 2013 оны 225 дугаар тогтоолоор “Эрдэнэс-Таван Толгой” компанийн уурхай дээр гүний гааль байгуулахаар шийдвэрлэж, холбогдох арга хэмжээ авахыг үүрэг болгосон. Нэгэнт Чалко компанид нийлүүлэх нүүрсийг Цагаан хадаар дамжуулан нүүрс экспортлохгүй болсон тул “Говь Повер” ХХК-тай байгуулсан гэрээг цуцлах мэдэгдлээ тус компанид 2013 оны зургадугаар сарын 14-ний өдөр хүргүүлсэн. Энэхүү шийдвэрийг “Говь Повер” компани эс зөвшөөрч Чингэлтэй дүүргийн шүүхэд 2013 оны долдугаар сарын дөревний өдөр нэхэмжлэл гаргасан бөгеед нийт 7.4 тэрбум төгрөгийг “Эрдэнэс-Таван Толгой” компаниас нэхэмжилсэн.
-Танай компаниас зарласан тендерт ЗГХЭГ-ын дэд дарга асан Г.Дэнзэнгийн эхнэрийн компани шалгарсан тухай өнгөрсөн жил багагүй шуугисан?
-Уг тендер шалгаруулалт хуульд нийцсэн эсэхийг Авилгатай тэмцэх газар, Нийслэлийн Прокурорын газар өнгөрсөн онд шалгаад зохих дүгнэлтээ гаргасан тул нэмж тайлбар хийх нь илүүц болов уу.
Ер нь бол “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн дагуу тендерийн Үнэлгээний хороо нь тендерт оролцогчцын саналыг зөвхөн ирүүлсэн мэдээлэлд нь үндэслэн тендерийн шаардлага хангаж буй эсэхийг үнэлдэг бөгөөд тухайн компанийн эзэмшлийг шалгаж тогтоох үүрэг Үнэлгээний хороонд байдаггүй.
-Сүүлийн үед Г.Дэнзэн нь “Говь Повер” XXК-иар дамжуулан танай компаниас 4.8 тэрбум төгрөг гаргуулж авсан гэж бичих боллоо?
-Уг асуудлыг гэмт хэргийн шинжтэй эсэхийг тогтоох үүднээс мөрдөн шалгах ажиллагаа явуулах эрх нь холбогдох хууль хяналтын байгууллагад байгаа. “Эрдэнэс- Толгой” компани уг асуудлыг өөрийн хүсэлтээр эрх бүхий байгууллагаар шалгуулах хүсэлтэй байна. Ингэх нь стратегийн томоохон ордод үйл ажиллагаа явуулдаг “Эрдэнэс-Таван Толгой" компанийн өнөөгийн үйл ажиллагааг бодитоор дүгнэхэд тустай төдийгүй олон нийтэд компанийг тойрсон асуудлуудаар үнэн зөв мэдээллийг өгөхөд чухал ач холбогдолтой.
-“Говь Повер” ХХК танай компаниас хохирлоо шаардах эрхтэй юу?
-Уг компани Монгол Улсын Иргэний хуулийн 229 болон 355 дугаар зүйлийн дагуу хохирлоо барагдуулахаар нэхэмжлэл гаргасан.
-4.8 тэрбум гэсэн үнэлгээг ямар байгууллага хийсэн, юунд үндэслэж тогтоосон талаар мэдээлэл өгөхгүй юу?
-“Говь Повер” ХХК 2014 оны долдугаар сарын дөрөвний өдөр гаргасан нэхэмжлэлдээ манай компаниас нийт 7.4 тэрбум төгрөг нэхэмжилсэн. “Говь Повер” компанийн үнэлгээг бид өндөр гэж үзсэн тул Иргэний хэрэг шүүхэд хянан шийдвэрлэх тухай хуулийн 47 дугаарт зүйлд заасны дагуу шинжээч томилж үнэлгээг хийлгэх хүсэлтээ бид шүүхэд гаргасан. Нийслэлийн Чингэлтэй дүүргийн шүүхийн шүүгчийн 2013 оны наймдугаар сарын 26-ны өдрийн 4071 дугаар захирамжийн дагуу Шүүхийн шинжилгээний Үндэсний хүрээлэнгийн шинжээч үнэлгээ хийж 2013 оны есдүгээр сарын 18-ны өдрийн 176 тоот дүгнэлтээр 5.3 тэрбум төгрөгөөр тоггоосон. Шүүхийн шинжилгээний үндэсний хүрээлэнгийн Эдийн засгийн шинжилгээний орон тооны бус мэргэжлийн комиссын дээрх үнэлгээг 2013 оны есдүгээр сарын 18-ны өдрийн хурлаараа хэлэлцэж баталгаажуулсан.
-Цагаан хад дахь гаалийн хяналтын бүс одоо ашиглагдаж байгаа юу? Шүүхийн шийдвэрийн дагуу авсан тэр их хэмжээний хөрөнгийг танай компани хэрхэн ашиглах вэ?
-Нэгэнт шүүхийн шийдвэрээр дээрх хөрөнгө манай компанид шилжиж ирсэн тул бид энэ хөрөнгийг үр ашигтай ажиллуулж байна. Тухайлбал энэ жил бид экспортыг нэмэгдүүлэх зорилгоор Цагаан хад дахь гаалийн хяналтын талбайгаар дамжуулж 500 гаруй мянган тонн нүүрс экспортолсон. Цаашид Баруун Цанхийн уурхайд болон боомтын темөр зам ашиглалтад орох үед шилжүүлэн ашиглана.
Сэтгэгдэл (1)