Дорнод аймгийн нутаг дахь Нөмрөгийн дархан цаазат газарт мод бэлтгэж байсныг хилчид илрүүлэн зогсоолоо. Халх голын хилийн отрядын хариуцсан хэсэг дэх улсын хилийн шугамнаас найман км зайд Портер маркийн автомашинтай хүмүүс хилийн зурваст орсон мөрөөр хилчид шалгахад Дорнод аймгийн харъяат гурван хүн хилийн зурваст зөвшөөрөлгүйгээр мод бэлтгэж байжээ. Хилчид өөрсдийн эрх хэмжээний хүрээнд тэднийг Захиргааны хариуцлагын тухай хуулийн дагуу торгоод, явуулсан гэнэ.