1.    Монголын 1 сая дахь иргэн 1962 онд мэндэлжээ. Ингэж Монгол Улсын хүн ам 7 оронтой тоонд хүрсэн юм.

2.    Монголын 2 сая дахь иргэн 1988 онд мэндэлсэн.

3.    Монголын 3 сая дахь иргэн 2015 оны энэ сард мэндэлнэ.

4.    Эндээс дүгнэж үзвэл манай улсын хүн ам 26.5 жил тутам 1 саяар нэмэгдэж байна.

5.    Ирэх 30 жилд бүх эмэгтэйчүүд гурав ба түүнээс дээш хүүхэд төрүүлж байж 2040 он гэхэд Монголын хүн ам 4 орчим саяд хүрнэ.

6.    Хэрэв хүн амын өсөлт одоогийн хурдаараа байвал манай улс 2195 онд 10 саяд хүрнэ.

7.    Монголын хүн ам 10 минут 30 сеkунд тутам нэгээр нэмэгддэг.

8.    Харин дэлхийн хүн ам нэг хоромд 5-аар нэмэгддэг.

9.    Монголын 3 сая дахь иргэнийг 15 нас хүрэхэд дэлхийн хүн ам 8 тэрбумд хүрнэ.

10.  Монголын хүн амын дундаж наслалт 2013 оны байдлаар 69.1 байгаа. Харин одоо төрж буй хүүхдүүдийн дундаж наслалт 100 хүрнэ гэж зарим байгууллагууд мэдээлж байна.

11.    Монгол Улсын 2 сая дахь иргэн Г.Болортуяа Дархан хотод мэндэлсэн. Мөн тухайн өдөр төрсөн 18 аймаг 6 дүүргийн 25 хүүхдэд Монголын төр батламж гардуулсан байдаг. Байр болон эд зүйлсээр шагнаж байжээ.

12.    Монгол Улсын Засгийн газраас 3 сая дахь иргэндээ орон сууц бэлэглэнэ.

13.    Мөн бүх аймаг, дүүрэгт төрсөн 3 сая дахь иргэний чацуутнуудаг орон сууцаар урамшуулахаар шийдсэн. Тэгэхээр улсын хэмжээнд 30 орчим орон сууц олгоно.

14.    Монголын 3 сая дахь иргэн түүнтэй нэг өдөр мэндэлсэн хүүхдүүдэд 3 сая төгрөг олгож, хадгаламж нээж өгнө.

15.    Монгол Улс 3 сая дахь иргэндээ батламж, дурсгалын зүйлс өгөхөөр бэлтгүүлж байна.

16.    Харин үндэсний томоохон аж ахуйн нэгжүүд ч гэсэн 3 сая дахь иргэнд зориулан олон сюрприз барихаар бэлтгэж эхэлсэн. Эх сурвалжийн мэдээлж байгаагаар бол памперсийн хэрэгцээ, насан туршийн талхны хэрэгцээ, сүүний хэрэгцээ,  насаараа нийтийн тээвэрээр үнэгүй зорчих гэх мэт олон чухал бэлэгүүд бэлтгэгдэж эхлэв.

17.    УИХ 2004 онд “Хүн амын хөгжлийн талаар төрөөс баримтлах бодлого”-ыг баталсан. Монгол хүний жилийн дундаж өсөлт одоо 2.2 хувьд хүрээд байна.

18.    Хүн амын хамгийн сүүлийн хоёр тооллогоос харахад Монголчуудын хүн амын жилийн дундаж өсөлтийн хурд 1.5 хувьтай байна.

19.    2008 оны нөхөн үржихүйн эрүүл мэндийн судалгаанд хамрагдсан нийт эмэгтэйчүүдээс 2 хүүхэдтэй эмэгтэйчүүдийн 64 хувь, 3 хүүхэдтэй эмэгтэйчүүдийн 87 хувь нь дахин хүүхэдтэй болохгүй гэж хариулжээ.

20.    Монголын хүн амын өсөлтийн оргил үе нь 1969-1979 он байв. Тухайн үед эмэгтэйчүүд дунджаар 7 хүүхэд төрүүлж байжээ.

21.    Социализмын үед Монголын хүн ам эрчимтэй өсөхөд хүн амыг эрүүлжүүлсэн, тухайн үед хүүхдүүдэд олгодог байсан мөнгөн тэтгэлэг чухал үүрэг гүйцэтгэсэн гэж дүгнэдэг байна.

22.    Хүүхдүүдэд мөнгө олгох социализмын үеийн бодлогыг АН Засгийн эрх барих үедээ дахин сэргээсэн. Харамсалтай нь Монголын хүн ам 3 саяд хүрэх 2015 оноос хүүхдийн мөнгийг баян айлын хүүхдүүдэд олгохгүй байх шийдвэрийг АН-ын Засгийн газар гаргахаа Ерөнхий сайд Ч.Сайханбилэг дуулгасан билээ.

23.    Хүн амын өсөлт нь аливаа улс орны нийгэм эдийн засгийн хөгжилд чухал нөлөө үзүүлдэг, улс орны өрсөлдөх чадварыг нэмэгдүүлдэг.

24.    Монголчууд “Хүн нэмбэл хүнс нэмэгдэнэ” гэж ярьдаг. Бас их зохиолч Д.Нацагдорж "Монголын үрс маш олон болтугай" гэж ерөөсөн. Эдгээрийг хүн бүр хэрэгжүүлэх үүрэгтэй!