Нийгмийн салбарын боловсон хүчнүүд болох эмч, багш нарын төлөөллийн жагсаал  өнөөдөр Чингисийн талбайд 12.00 цагаас эхлэн одоо ч үргэлжилж байна.

Тэд Засгийн газар, Ажил олгогч эздийн холбоо, МҮЭХ хөдөлмөр нийгмийн зөвшлийг хангах, 2015-2016 оны гурван талт хэлэлцээрийг эхлүүлсэнтэй холбогдуулан жагсаал зохион байгуулж байгаа аж.

Хэлэлцээрт Засгийн газрыг төлөөлөн оролцож буй Хөдөлмөрийн яам иргэдийн тэтгэвэр, тэтгэмжийг нэмэх боломжгүй, төрийн албан хаагчдыг цомхотгоно гэдгээ илэрхийлсэн. Харин үйлдвэрчний эвлэлийн холбоод энэхүү саналыг эсэргүүцэж байна. Тэд эмч, багш зэрэг төрийн албан хаагчдыг цомхотгох болон цалинг нэмэхгүй гэсэн шийдвэрийн эсрэг жагсаж байгаа юм.