Хятадын буцалтгүй тусламжаар олгогдож буй 300 сая юанаар бүхэлд нь сургууль барих шийдвэрийг өчигдрийн Засгийн газрын хуралдаанаас гаргасан байна. Нийт 21 сургуулийг шинээр барих бөгөөд үүний заримд нь өргөтгөл хийх юм байна. Ингэхдээ гурван ээлжээр хичээллэж буй болон мэргэжлийн хяналтын акттай барилгуудыг шинэчлэх бөгөөд барилгуудыг нэг маягийн загвараар барих төлөвлөгөөг боловсролын яамнаас гаргажээ. Дээрх сургуулиудыг 2015 ондоо багтаж барих юм байна.