Хотын цэцэрлэгжүүлэлт дээр машинаа байрлуулсан иргэнийг олон нийтийн цахим хуудсанд ил гаргаснаар түүнд хариуцлага тооцож байсан. Улмаар тэрбээр буруугаа хүлээж дахин цэцэг тарьж олны талархлыг хүлээж байсныг та бүхэн санаж байгаа байх. Тэгвэл үүнээс хойш ёс зүйгүй, зөрчил гаргасан жолоочидтой иргэд ч хатуу тэмцэж, зөрчил гаргасан зураг, дүрсийг нь сошиал ертөнцөд байрлуулдаг болоод байгаа. Үүний дагуу холбогдох албаныхан зөрчлийг арилгуулж, торгож шийтгэх болсон. Хамгийн сүүлд л гэхэд FaceBook Paparazzi+Traffic Mongolia группд Пост хийгдсэн зөрчлийг торгуулийн мэдэгдэх хуудас болгон холбогдох эзэмшигчид хүргүүлжээ.